Ułady Siryi i asnoŭnyja kurdskija ŭzbrojenyja siły dasiahnuli maštabnaha pahadnieńnia ab intehracyi, jakoje pavinna pakłaści kaniec uzbrojenym sutyknieńniam. Damoŭlenaść praduhledžvaje pierachod kurdskich vajskovych i cyvilnych struktur pad kantrol centralnaha ŭrada paśla niekalkich dzion bajoŭ, padčas jakich siryjskaje vojska zaniała šerah terytoryj, u tym liku rajony z klučavymi naftavymi radoviščami, piša Reuters.
Pasłańnik ZŠA Tom Barak nazvaŭ hetaje pahadnieńnie pierałomnym momantam, adnak padkreśliŭ, što jašče zastajecca składanaja praca dapracoŭki ŭsich detalaŭ poŭnaj intehracyi.
Umovy damovy stali surjoznym udaram dla kurdskich Siryjskich demakratyčnych sił (SDF), jakija bolš za dziesiać hadoŭ kiravali paŭaŭtanomnym rehijonam na paŭnočnym uschodzie Siryi. Kiraŭnik SDF Mazłum Abdzi paćvierdziŭ, što jahonaja struktura zhadziłasia vyvieści siły ź dźviuch pravincyj ź pieravahaj arabskaha nasielnictva — Dejr-ez-Zoram, asnoŭnym nafta– i zbožžavytvorčym rehijonam krainy, a taksama Rakaj, dzie raźmieščanyja važnyja hidraelektrastancyi na Jeŭfracie.
Raniej SDF supraciŭlalisia ŭvachodžańniu ŭ skład isłamisckaha ŭrada, jaki kiruje Siryjaj paśla zrynańnia Bašara Asada ŭ kancy 2024 hoda. Pahadnieńnie z 14 punktaŭ, apublikavanaje prezidenckaj administracyjaj, padpisali prezident Siryi Achmied al-Šaraa i Mazłum Abdzi.
Abdzi paviedamiŭ, što ŭ paniadziełak płanuje sustreču z al-Šaraa ŭ Damasku i paśla jaje abiacaje raskryć padrabiaznaści damovy. Jon taksama padkreśliŭ, što kurdski bok imkniecca zachavać dasiahnieńni svajho rehijona i adznačyŭ, što kanflikt byŭ naviazany zvonku.
Pieramovy ab intehracyi ciahnulisia niekalki miesiacaŭ i pavinny byli zaviaršycca da kanca 2025 hoda, ale praz adsutnaść prahresu pieraraśli ŭ bajavyja dziejańni. Novaja damoŭlenaść praduhledžvaje spynieńnie sutyknieńniaŭ, chacia ŭ asobnych rajonach jany jašče praciahvalisia.
Zhodna z pahadnieńniem, bajcy SDF buduć uklučanyja ŭ struktury ministerstvaŭ abarony i ŭnutranych spraŭ piersanalna, a nie cełymi padraździaleńniami. Akramia taho, centralny ŭrad atrymaje kantrol nad pamiežnymi pierachodami, naftahazavymi radoviščami, a taksama turmami i łahierami z bajevikami «Isłamskaj dziaržavy» i ich siemjami. Damask płanuje ŭziać poŭny kantrol nad Dejr-ez-Zoram i Rakaj u najbližejšyja sutki-dvoje.
Razam z tym pahadnieńnie praduhledžvaje i peŭnyja sastupki: kurdy zmohuć prapanoŭvać kandydatury na klučavyja pasady va ŭradzie, a kiraŭnik pravincyi El-Chasaka budzie pryznačacca pa ŭzajemnaj zhodzie. Taksama SDF abaviazalisia vydalić z rehijona ŭsich niesiryjcaŭ, źviazanych z Rabočaj partyjaj Kurdystana, centram dziejnaści jakoj źjaŭlajecca Turcyja.
Turcyja vykazała nadzieju, što pahadnieńnie paspryjaje stabilnaści i miru ŭ Siryi i ŭsim rehijonie. ZŠA ž apynulisia ŭ składanaj situacyi pamiž padtrymkaj SDF jak partniora ŭ baraćbie z teraryzmam i novym kursam na padtrymku centralnych uładaŭ u Damasku.
Situacyja vyklikaje tryvohu ŭ kurdaŭ i z-za minułych vypadkaŭ mižkanfiesijnaha hvałtu, kali ŭ roznych rehijonach Siryi hinuli sotni mirnych žycharoŭ, što padryvaje davier da novaha ŭrada.
ZŠA nanieśli ŭdary pa IDIŁ u Siryi
Vialikabrytanija i Francyja nanieśli supolny avijaŭdar pa abjektach «Isłamskaj dziaržavy» ŭ Siryi
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
Vosiem čałaviek zahinuli, 21 paranieny ŭ vyniku teraktu ŭ miačeci ŭ siryjskim Chomsie
«Heta nie pačatak vajny — heta abviaščeńnie pra pomstu». ZŠA nanieśli ŭdary pa celach «Isłamskaj dziaržavy» ŭ Siryi
Ciapier čytajuć
Ejsmant: Statkieviča pamiłavali ŭžo paŭhoda nazad, ale tady jon viarnuŭsia ŭ turmu6
Kamientary
dobry prykład usim našym ampaŭcam , zmaharam , jabaćkam , usim Biełarusam stracim dziaržavu, našu budzim jak Kurdy . Niezaležnaść na 1 miescy