Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli
Zajava Maryi Kaleśnikavaj ab nieabchodnaści dyjałohu pamiž Jeŭropaj i Minskam vyklikała chvalu krytyki. Były palitviazień, palitołah i litaraturaznaŭca Alaksandr Fiaduta nahadvaje: handal palitviaźniami — heta nie biznes-stratehija, a cyničny miechanizm, jaki režym vykarystoŭvaje dziesiacihodździami.
Kali ŭ čałavieka psichałohija biznesmiena, jon zychodzić ź mierkavańniaŭ vyhady (kali, zrazumieła, pry hetym jon pierastaje być čałaviekam, ale atrymlivaje ŭ svaje ruki ŭsie miechanizmy, jakija dazvalajuć adnaasobna kantralavać rynak).
Donald Tramp bliskuča handluje sankcyjami. Jon kantraluje rynak sankcyj amal va ŭsim śviecie; dakładniej, jon maje na rukach błakavalny pakiet rynku sankcyj, a tamu paśpiachova ich vykarystoŭvaje.
Zaraz Jeŭropie prapanujuć ustupić u pieramovy z čałaviekam, jaki stoadsotkava kantraluje rynak represij u Biełarusi.
Razumna — z punktu hledžańnia taho, chto prapanuje, chto zvaliŭsia ź Miesiaca i nie pamiataje ŭsich papiarednich sprob padobnaha handlu.
Kali čałaviek kantraluje rynak stoadsotkava, jon zakłapočany tolki tym, kab u jaho pastajanna byŭ u najaŭnaści tavar, jaki karystajecca popytam.
U našym vypadku handal išoŭ z zajzdrosnaj rehularnaściu. I navat ab čymści damaŭlalisia (niabožčyk Uładzimir Makiej, jak viadoma, byŭ majstram «dahavarniakoŭ» takoha kštałtu). Ale prachodziła niekalki hadoŭ, i represii adnaŭlalisia pa narastajučaj.
Tamu što za žyvy tavar možna było vycyhanić niejkija sastupki. A miechanizm represij kantralavaŭsia pa-raniejšamu adnaasobna.
Mašańka, abo viarniciesia na Miesiac, abo nie vučycie žyć tych, chto, padobna jeŭrapiejcam, stamiŭsia nabivać huzy ad čarhovaha «nastupańnia na hrabli». A to mnie Vas škada stanovicca.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy16
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary
Jana jak i raniej dumaje, što dastatkova prosta być za ŭsio dobraje suprać usiaho drennaha. Napeŭna i pašpart rvała tady, bo dumała, što maršy pa niadzielach nanieśli śmiarotnuju ranu režymu.