Ministerstva zamiežnych spraŭ Małdovy pačało jurydyčnyja pracedury, nieabchodnyja dla poŭnaha spynieńnia ŭdziełu krainy ŭ SND. Pra heta paviedamiŭ ministr zamiežnych spraŭ Michaj Papšoj u efiry nacyjanalnaha radyjo Radio Moldova.
Sa słoŭ ministra, dla kančatkovaha vychadu jahonaj krainie nieabchodna denansavać try asnoŭnyja dakumienty, na jakich hruntujecca Sadružnaść: pahadnieńnie ab jaje stvareńni 1991 hoda, pratakoł da jaho i Statut SND, pryniaty ŭ 1993 hodzie. Paśla hetaha Małdova aficyjna pierastanie być členam arhanizacyi. Papšoj adznačyŭ, što hetaje rašeńnie było pryniata niadaŭna i praces užo idzie.
Prajekty dakumientaŭ ab denansacyi płanujecca vynieści na razhlad parłamienta paśla pačatku novaj siesii. Čakajecca, što ŭsia pracedura moža zakončycca da siaredziny lutaha 2026 hoda.
Hety krok staŭ praciaham kursu Małdovy na pastupovaje addaleńnie ad struktur SND. Jašče ŭ listapadzie 2025 hoda ŭrad uchvaliŭ vychad z šerahu halinovych pahadnieńniaŭ, a parłamient pačaŭ razhladać denansacyju klučavych damoŭlenaściaŭ, jakija tyčylisia biaźvizavaha režymu i padatkovych pryncypaŭ u handli.
Z 2022 hoda kraina faktyčna nie ŭdzielničaje ŭ pasiadžeńniach orhanaŭ SND. U 2023 hodzie Małdova taksama pačała praceduru vychadu ź Mižparłamienckaj asamblei SND i admoviłasia ad niekatorych inšych pahadnieńniaŭ.
Rašeńnie ŭładaŭ adpaviadaje kursu Kišyniova na jeŭrapiejskuju intehracyju: Małdova maje status kandydata na ŭstupleńnie ŭ Jeŭrapiejski Sajuz.
Ciapier čytajuć
Što ciapier ź italjanskimi vizami? Masavyja admovy? Turfirmy nazyvajuć alternatyvu4
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary