На нараду ў Палацы Незалежнасці сёння Пятроўскі прыйшоў у кітайскім фрэнчы.
Пра гэты фрэнч Пятроўскі распавядаў у эфіры Рыгора Азаронка.
Азаронак сказаў, што зайздросціць такому «шыкоўнаму фрэнчу».
Пятроўскі адказаў, што гэты строй яму пашылі ў Кітаі за суткі і «прывезлі ў гасцініцу».
«Магу сказаць, што ў Кітаі ўсё працуе. Усё працуе, і ўсе працуюць як гадзіннік: дакладна, зладжана, механізмам. І кітайскія мне таварышы кажуць: «А што ты будзеш шукаць там фрэнч? Мы табе краўца дашлём, і ён табе за суткі пашые». І вось за суткі, уяві, узялі і пашылі мне. І прывезлі ў гасцініцу».
Пятроўскі сказаў, што фрэнч быў дастаткова танным, але суму індпашыву не назваў.
Падобныя фрэнчы ў стылі Маа Цзэдуна часам носяць кіраўнік КНР Сі Цзіньпін, кіраўнік КНДР Кім Чэн Ын, таксама такі фасон аблюбаваў расійскі прапагандыст Уладзімір Салаўёў.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары