Kaj Tramp, unučka Donalda Trampa, zapuściła ŭłasnuju liniju adzieńnia, vykarystoŭvajučy dla rekłamy rezidencyju prezidenta ZŠA.
Na minułym tydni 18‑hadovaja ŭnučka prezidenta ZŠA Kaj Tramp zapuściła veb-sajt pa prodažy bavaŭnianych śvitšotaŭ z manahramaj jaje inicyjałaŭ. Košt adzinki — 130 dalaraŭ, paviedamlaje The Wall Street Journal.
Dla prasoŭvańnia brenda jana apublikavała ŭ Instagram videa, dzie paziruje ŭ čornym, biełym i ciomna-sinim śvitšotach na terytoryi Biełaha doma.
Merch is live now at Kaitrump.shop! I am so excited to be sharing this project with you! Link in bio
U toj ža dzień dziaŭčyna razam sa svaim dziedam Donaldam Trampam vylecieła na borcie prezidenckaha samalota Air Force One na prestyžny turnir pa holfie Ryder Cup. Tam jana źjaviłasia ŭ biełym śvitšocie sa svaimi inicyjałami.
Praź niekalki dzion Kaj padzialiłasia z padpisčykami videa, na jakim hulaje ŭ holf na Paŭdniovym łužku Biełaha doma, znoŭ ža, u vopratcy ŭłasnaha brenda.
«Mała chto maje takuju mahčymaść, tamu mnie vielmi pašancavała», — prakamientavała jana.
Siamiejnaja tradycyja
Jak adznačaje WSJ, hety vypadak — daloka nie pieršy, kali siamja Trampaŭ sumiaščaje palityku i biznes, što vyklikaje pytańni ab kanflikcie intaresaŭ.
Tak Ivanka Tramp, dačka prezidenta i jaho daradca na hramadskich pačatkach padčas pieršaha terminu, praciahvała atrymlivać prybytak ad svajoj linii adzieńnia, jakuju rehularna demanstravała padčas aficyjnych mierapryjemstvaŭ u Biełym domie.
Jaje muž, Džared Kušnier, były daradca Trampa, ciapier kiruje pryvatnym inviestycyjnym fondam, jaki atrymaŭ značnyja ŭkładańni ad lidaraŭ Saudaŭskaj Aravii, AAE i Katara — krain, ź jakimi jon pracavaŭ jak dypłamat.
Syny prezidenta, Donald-małodšy i Eryk, zarabili miljardy, kali ich kampanija ŭ vieraśni zapuściła na adkryty rynak novuju kryptavalutu, u toj čas jak administracyja Trampa pracuje nad źmiakčeńniem rehulavańnia hetaj haliny.
Kaj Tramp, dačka Donalda Trampa-małodšaha, nie zajmaje dziaržaŭnaj pasady, tamu na jaje nie raspaŭsiudžvajucca fiederalnyja etyčnyja normy. Adnak jaje biznes-inicyjatyva źjaŭlajecca śviežym prykładam taho, jak kłan Trampaŭ vykarystoŭvaje svoj vysoki status dla prasoŭvańnia kamiercyjnych intaresaŭ.
Reakcyja hramadstva
Pradstaŭnica Biełaha doma ŭ kamientary dla WSJ zajaviła, što «niama nijakaj zabarony na fatahrafavańnie na terytoryi Biełaha doma, i ŭrad nie padtrymlivaje jaje pradukt, tamu tut niama nijakich prablem». Va Upraŭleńni ŭradavaj etyki ZŠA adznačyli, što ich praviły datyčacca tolki dziaržaŭnych słužačych, a nie pryvatnych asob.
Sama Kaj Tramp — nie tolki ŭnučka prezidenta, ale i paśpiachovaja miedyjnaja piersona. Jana maje 3,4 miljona padpisčykaŭ u TikTok i 2,2 miljona ŭ Instagram, dzie rehularna publikuje sełfi ź dziedam. Dziaŭčyna ŭžo maje niekalki rekłamnych kantraktaŭ, u tym liku z holf-brendam TaylorMade Golf i vytvorcam enierhietyčnych napojaŭ Accelerator Active Energy.
Reakcyja ŭ sacyjalnych sietkach na jaje biznes-pačynańnie była nieadnaznačnaj. Adny kamientatary chvalili jaje za «pradprymalnickuju žyłku, jak i va ŭsioj siamji». Inšyja aburalisia: «130 dalaraŭ za śvitšot ź inicyjałami 18‑hadovaj dziaŭčyny — heta dzika». Niekatoryja navat zaŭvažyli, što jaje łahatyp padazrona padobny da łahatypa z kałabaracyi brenda American Eagle i zorki amierykanskaha futboła Trevisa Kiełsi.
Kamientary
Košt 130% prybytak minimum 13 raz 1300% karł marks s enhelsam u trunie vierciacca
U BD dreskod na śvitšot ni źmienili pakul? )))))