21‑hadovy minčuk prydumaŭ schiemu machlarstva ŭ kramach — jana spracavała na niekalkich pradaŭcach i kurjery, jaki pryvioz picu.
Što mienavita zrabiŭ małady čałaviek i jak jaho pakaraŭ sud, pišuć Minsk-Naviny sa spasyłkaj na prakuraturu Pieršamajskaha rajona.
Pieršy vypadak adbyŭsia jašče ŭ 2023 hodzie. Małady čałaviek u suvienirnaj kramie adnaho z handlovych centraŭ na praśpiekcie Niezaležnaści vybraŭ tavary na 472 rubli 10 kapiejek: kašalok, dyfuzar, śviečki, bukiet na mylnaj asnovie, prysmaki, kraftavyja pakiety i skrynki, dva rułony tualetnaj papiery, dva brałki, draŭlany kanstruktar, paštoŭki i vokładku dla dakumientaŭ. Na kasie chłopiec skazaŭ, što ŭ jaho niama hatoŭki, i prapanavaŭ pradaŭcu pieravieści hrošy na jaje kartku. Dziaŭčyna pahadziłasia, pakupnik pakazaŭ elektronny ček. Ale na rachunak IP hrošy tak i nie pastupili.
Praź niekalki dzion małady čałaviek zamoviŭ picu, sendvičy, marožanaje i čyzkiejki na 173,27 rubla. Kurjer, jaki dastaviŭ zakaz, taksama pahadziŭsia na raźlik pieravodam na kartku — jon ubačyŭ elektronny ček i addaŭ ježu. Ale apłata tak i nie pastupiła. Paviedamlajecca, što chłopiec spačatku zapeŭnivaŭ kurjera, što ŭ jaho hrošy śpisalisia, potym abiacaŭ raźličycca hatoŭkaj, ale tak hetaha i nie zrabiŭ.
Treci raz tuju ž schiemu jon vykarystaŭ praz tydzień — kupiŭ u IP čatyry kašalki na 426 rubloŭ. Zatym «kupiŭ» u jašče adnaho minčanina dva pnieŭmatyčnyja pistalety, šaryki da ich i mišeni — na 1860 rubloŭ.
Hetyja ludzi pajšli ŭ milicyju, maładoha čałavieka znajšli i zaviali kryminalnuju spravu za machlarstva. Adznačajecca, što aficyjna jon nidzie nie pracavaŭ, raniej piać razoŭ pryciahvaŭsia za majomasnyja złačynstvy, u tym liku za machlarstva.
Małady čałaviek pryznaŭ svaju vinu i całkam pakryŭ škodu paciarpiełym. Sud pryznačyŭ štraf 200 bazavych (8400 rubloŭ).
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary