Jon pamior 21 maja 2021 hoda ŭ škłoŭskaj kałonii.
Siońnia hramadskamu aktyvistu i krajaznaŭcu Vitoldu Ašurku mahło b spoŭnicca 55 hadoŭ.
Jon naradziŭsia 13 kastryčnika 1970 hoda ŭ Aharodnikach Lidskaha rajona. Jon pracavaŭ na škłozavodzie «Nioman» u Biarozaŭcy, zatym zaniaŭsia ramontam damoŭ. Braŭ udzieł u nacyjanalnym ruchu, u 2010‑m za ŭdzieł u akcyi pratestu paśla prezidenckich vybaraŭ u Minsku byŭ asudžany na 12 sutak aryštu.
Paśla padziej 2010 hoda Ašurak dałučyŭsia da padtrymki biełaruskaj kultury, ustupiŭ u Partyju BNF, bałatavaŭsia na miascovych i parłamienckich vybarach.
Vitold Ašurak zajmaŭsia ŭšanavańniem udzielnikaŭ paŭstańnia 1863—1864 hadoŭ, staviŭ kryžy na miescach pachavańnia paŭstancaŭ.
U 2016 hodzie sud aštrafavaŭ jaho za niesankcyjanavany adzinočny pikiet, skiravany na pryciahnieńnie ŭvahi da ekałahičnych prablemaŭ Biarozaŭki, vyklikanych arhanizacyjaj vytvorčaści škłavaty na zavodzie. Nadalej nieadnarazova pravodziŭ niesankcyjanavanyja palityčnyja i ekałahičnyja adzinočnyja pikiety. Udzielničaŭ u inicyjatyvie pa ŭstalavańni pomnika zasnavalniku škłozavoda Julijusu Stole.
Pieršy raz Vitolda zatrymali 9 žniŭnia 2020 hoda i asudzili na 20 sutak administracyjnaha aryštu: na 15 — za ŭdzieł u mierapryjemstvie i jašče na 5 — za niepavahu da suda, bo jon nie ŭstaŭ, kali zajšoŭ sudździa
19 vieraśnia 2020‑ha hoda Vitold Ašurak byŭ zatrymany spačatku na sutki, a praź miesiac za kratami — i pavodle kryminalnaj spravy. Sudździa Maksim Fiłataŭ asudziŭ jaho da 5 hadoŭ kałonii za ŭdzieł u paślavybarčych pratestach.
21 maja 2021‑ha hoda Vitold pamior u škłoŭskaj kałonii № 17. Aficyjnaja pryčyna śmierci — spynieńnie serca.
Adnak jaho svajaki śćviardžali: da źniavoleńnia prablem sa zdaroŭjem u Vitolda nie było. Paśla jaho śmierci Śledčy kamitet apublikavaŭ videa, na jakim palitviazień ledź staić na nahach. Ale paźniej źjaviłasia infarmacyja, što na videa nie Vitold Ašurak.
Jaho cieła pieradali z zabintavanaj hałavoj. Spravu pa fakcie śmierci nie zaviali dahetul.
Vitold musiŭ vyjści na svabodu 9 červienia 2025 hoda. Ale jon staŭ pieršaj achviaraj u kałonijach.
U mai 2024 hoda ŭ Biarozaŭcy pamierła jaho 86‑hadovaja mama Alena Mironaŭna.
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?
Brat Vitolda Ašurka raskazaŭ pra apošnija hady žyćcia maci i razmovu ź joj pierad śmierciu
Pamierła maci Vitolda Ašurka
Łukašenka niervova prakamientavaŭ vizit Cichanoŭskaj u Kijeŭ45
Kamientary