Hramadzianie Rasii, jakija nie vykanali novyja imihracyjnyja praviły Ryhi, pavinny pakinuć krainu da 13 kastryčnika, inakš im pahražaje departacyja.
U suviazi z uzmacnieńniem mihracyjnaha zakanadaŭstva, urad Łatvii zahadaŭ 841 rasijskamu hramadzianinu pakinuć krainu da 13 kastryčnika. Hetyja ludzi nie zdoleli svoječasova prajści abaviazkovuju pravierku na viedańnie łatyšskaj movy (uzrovień nie nižej A2) i nie prajšli pravierki biaśpieki, piša Politico.
Źmieny ŭ zakonie ab imihracyi byli pryniaty ŭ 2022 hodzie paśla poŭnamaštabnaha ŭvarvańnia Rasii va Ukrainu, a ŭ 2024 hodzie praviły stali jašče bolš žorstkimi.
Usie hramadzianie Rasii, što žadajuć praciahnuć zakonnaje znachodžańnie ŭ Łatvii, pavinny byli da 30 červienia 2025 hoda atrymać status doŭhaterminovaha žychara ES, dakazać vałodańnie movaj i prajści śpiecyjalnyja pravierki.
Pavodle aficyjnych dadzienych, novyja patrabavańni zakranuli kala 30 tysiač hramadzian Rasii. Častka ź ich — pryblizna 2 600 čałaviek — dobraachvotna pakinuła krainu. Adnak 841 čałaviek nie padaŭ dakumienty ŭ vyznačany termin, i ciapier im zahadana vyjechać.
U łatvijskim viedamstvie pa pytańniach hramadzianstva i mihracyi patłumačyli, što paśla 13 kastryčnika znachodžańnie hetych asob u krainie budzie ličycca niezakonnym. Jany straciać dostup da sacyjalnych pasłuh, a pry nastojlivym i nieabhruntavanym parušeńni zakanadaŭstva mohuć być departavanyja Słužbaj pamiežnaj achovy.
Kiraŭnica viedamstva Majra Roze adznačyła ŭ intervju, što niekatoryja ludzi navat nie viedali pra novyja praviły: «Tolki kali im pierastajuć vypłačvać piensiju, jany razumiejuć, što niešta nie tak. Telefanujuć i pytajucca: «Čamu ja nie atrymlivaju piensiju?» My adkazvajem: «U vas niama vidu na žycharstva». Jany pytajucca: «A dzie jon?» My kažam: «Treba vykonvać zakon»».
U 2025 hodzie Łatvija aktyvizavała miery biaśpieki va ŭmovach rostu napružanaści ŭ adnosinach z Rasijaj. U červieni łatvijski parłamient pryniaŭ zabaronu dla hramadzian Rasii i Biełarusi pracavać u śfiery krytyčnaj infrastruktury i kuplać nieruchomaść u krainie.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha9
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100100
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary
siebia oni vosprinimajut kak Pup Ziemli. vsie im dołžny tolko potomu, čto oni russkije. a vsie ostalnyje eto tak, obsłuživajuŝij piersonał.
i čiem skorieje im budut vpravleny mozhi, tiem budiet proŝie s nimi žiť riadom v dalniejšiem.. sosiediej, uvy, nie vybirajut.