«Palavańnie na najbližejšaha miechanika». Mark Rute paśmiajaŭsia z Rasii praz pałomku jaje padvodnaj łodki
Hienieralny sakratar NATA Mark Rute publična vyśmiejaŭ Rasiju z nahody pałomki jaje padvodnaj łodki «Navarasijsk», jakaja niadaŭna vypłyła na pavierchniu kala francuzskich bierahoŭ, piša «Jeŭrapiejskaja praŭda».
Pra ŭspłyćcio «Navarasijska» stała viadoma na minułym tydni dziakujučy paviedamleńniu Abjadnanaha kamandavańnia VMS NATA, dzie byli apublikavanyja fatahrafii, na jakich rasijskuju submarynu supravadžaje francuzski frehat.
11 kastryčnika Ministerstva abarony Niderłandaŭ paviedamiła, što niderłandski fłot supravadžaŭ «Navarasijsk» i buksir «Jakaŭ Hrabielski» u Paŭnočnym mory, što śviedčyć pra toje, što padvodnaja łodka buksirujecca.
Padčas vystupleńnia na mierapryjemstvie ŭ Słavienii Mark Rute adkryta patroliŭ rasijskuju «złamanuju» łodku.
«Ciapier, pa sutnaści, u Mižziemnym mory amal nie zastałosia rasijskich vajskova-marskich sił. Jość tolki adna pałamanaja rasijskaja padvodnaja łodka, jakaja kryvieńkaj kačačkaj płyvie dadomu z patrulavańnia», — skazaŭ Rute.
«Voś heta roźnica ŭ paraŭnańni z ramanam Toma Kłensi «Palavańnie na «Čyrvony Kastryčnik» 1984 hoda. Siońnia heta bolš padobna da palavańnia na najbližejšaha miechanika», — dadaŭ jon.
U svaju čarhu, u Čarnamorskim fłocie Rasii zajaviŭ, što padvodnaja łodka «Navarasijsk» uspłyła kala francuzskich bierahoŭ, kab vykonvać praviły sudnachodstva ŭ Ła-Manšy padčas «zapłanavanaha mižfłockaha tranzitu» paśla vykanańnia zadańniaŭ u Mižziemnym mory.
Ciapier čytajuć
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary