U paniadziełak, 13 kastryčnika, prezident ZŠA vystupiŭ z uračystaj pramovaj u parłamiencie Izraila. «Zakładniki viarnulisia! Jak ža dobra vymaŭlać hetyja słovy», —— skazaŭ jon.
«Paśla stolkich hadoŭ vojnaŭ i pahroz — siońnia rehijon spakojny», — adznačyŭ Tramp.
Jon zajaviŭ pra «histaryčnaje śvitańnie novaha Blizkaha Uschodu», skazaŭšy: «My staim na parozie adnaho z najvialikšych dypłamatyčnych dasiahnieńniaŭ», piša Newsru.co.il
U svaju čarhu premjer-ministr Izraila Bińjamin Nietańjachu adznačyŭ vybitnuju rolu Trampa ŭ viartańni zakładnikaŭ, jakich utrymlivali terarysty ŭ Hazie. Premjer padziakavaŭ prezidentu ZŠA za mnostva praizrailskich krokaŭ — ad pieranosu pasolstva ŭ Jerusalim da padtrymki Izraila ŭ vajnie suprać CHAMASa, Irana i chusitaŭ.
Lidar izrailskaj apazicyi Jair Łapid zajaviŭ u svajoj pramovie, źviartajučysia da Trampa: «Spadar prezident, vy vyratavali žyćci našych zakładnikaŭ. Ale vy vyratavali značna bolš. Vy vyratavali dušy tych, chto smutkuje, čyje blizkija ciapier buduć pachavanyja ŭ ziamli Izraila. Vy vyratavali tysiačy sałdat, jakija bolš nie zahinuć u bai. Vy vyratavali miljony ad žachaŭ vajny. Vy vyratavali značna bolš, čym adno žyćcio, a kožnaje žyćcio — heta ceły śviet».
Sustreču Ryžankova ź Sikorskim paprasiŭ Minsk. Što kamanda Cichanoŭskaj abmiarkoŭvała z palakami da i paśla jaje11
Kamientary