Azaraŭ šukaje biełarusaŭ z vopytam sačeńnia i padsłuchoŭvańnia
Alaksandr Azaraŭ, kiraŭnik arhanizacyi Bypol i ŭładalnik detektyŭnaha ahienctva «Reks», daŭ u sacsietkach abjavu ab pošuku ludziej, jakija majuć davoli śpiecyfičnyja kvalifikacyi.
«Šukaju biełarusaŭ z vopytam praviadzieńnia vonkavaha nazirańnia, a taksama ŭstanoŭki i ekspłuatacyi techničnych srodkaŭ dla schavanaj fiksacyi huku i videavyjavy», — napisaŭ Alaksandr Azaraŭ.
Navošta takija kadry patrabujucca, Azaraŭ nie ŭdakładniŭ. Mahčyma, jon choča im prapanavać pracu ŭ detektyŭnym ahienctvie «Reks», stvoranym sioleta viasnoj u Varšavie.
Jak raskazvaŭ sam Azaraŭ, jahonaja kampanija źbirałasia vykryvać prasłuchoŭvańnie ŭ pamiaškańniach, aŭtamabilach i telefonach, kansultavać u halinie biaśpieki, pradavać i zdavać u arendu śpiectechniku, dzielicca surazmoŭca.
«Mahčymy zbor dokazaŭ pa kryminalnych i hramadzianskich spravach, pravierka infarmacyi, roznych faktaŭ, pošuk ludziej, u tym liku rodnych i prodkaŭ. Budziem zajmacca i pravierkaj biźnies-partnioraŭ i patencyjnych pracaŭnikoŭ. Jašče možam zrabić abśledavańnie miascovaści. U našyja kampietencyi ŭvachodziać i siamiejna-šlubnyja spravy, źviazanyja z vykryćciom zdrady ci apiekaj nad dziećmi», — raskazvaŭ jon u intervju.
Azaraŭ adkryŭ u Varšavie detektyŭnaje ahienctva «Reks»
Azaraŭ raskazaŭ, čym budzie zajmacca jaho detektyŭnaje biuro «Reks»
Azaraŭ zakryŭ płan «Pieramoha» i pieravioŭ usich udzielnikaŭ u rezierv
Azaraŭ: Fatohraf-ahient Miščuk pracavaŭ u ABBA, byvaŭ doma ŭ mnohich aktyvistaŭ, adnaho ź biznesmienaŭ pasadzili paśla fotasiesii
Azaraŭ: Kachanak Mielnikavaj braŭ udzieł u pravakacyi z Azaronkam i byŭ uznaharodžany
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary