Łukašenka aburyŭsia, što Nobieleŭskuju premiju dali nie Trampu
«Hłupstva poŭnaje», — adreahavaŭ Łukašenka na zadadzienaje jamu pytańnie ab rašeńni Nobieleŭskaha kamiteta nie prysudžać premiju Trampu, nazvaŭšy jaho blizarukim.
«Tramp zasłužyŭ hetu Nobieleŭskuju premiju. Jamu treba było adduvacca pa ŭsich pryčynach, asabliva pa tych pryčynach, pa jakich apošni čas Nobieleŭskaja premija prysudžałasia naohuł aby kamu. Nu, uspomnicie, sprava jakaja prajšła, prezidenta ZŠA adpaviednaha, jaki naohuł ničoha nie zrabiŭ, staŭ prezidentam, atrymaŭ hetuju premiju. A Tramp niamała zrabiŭ dla miru.
Jany vielmi drennuju pasłuhu akazali samamu mirnamu pracesu va ŭsich punktach. Nu, Tramp moža pakryŭdzicca. Nu, voś ja kažu, što Nobieleŭski kamitet, jon nie miru premiju prysudziŭ, a prysudziŭ premiju tym, chto nie zacikaŭleny ŭ miry», — skazaŭ Łukašenka.
U toje ž, što premiju sioleta atrymała lidarka vieniesuelskaj apazicyi Maryja Karyna Mačada, jon zahłyblacca nie staŭ:
«Ja nie viedaju hetuju vieniesuelskuju, vieniesuelskaha hetaha čałavieka nie viedaju i havaryć nie chaču. Ale absalutna pierakanany, što z usich pazicyj i asabliva na pierśpiektyvu, kab Trampa pryviazać hetaj Nobieleŭskaj premijaj da pracesu mirnaha, treba było jamu davać hetuju premiju. Blizarukaje rašeńnie. Naohuł niezrazumieła, jakoje rašeńnie. Nu, heta tak, ekspromtam».
Łukašenka zrabiŭ svaju zaŭvahu ŭ Dušanbe, dzie znachodziŭsia na samicie lidaraŭ krain SND.
«Staviać palityku vyšej za mir». U Biełym domie prakamientavali rašeńnie Nobieleŭskaha kamiteta dać premiju nie Trampu
Cichanoŭskaja pavinšavała Maryju Karynu Mačada z Nobieleŭskaj premijaj miru
Nobieleŭskuju premiju miru atrymała lidarka vieniesuelskaj apazicyi Maryja Karyna Mačada
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?
Načalnik milicyi Brahina stralaŭ u svaju žonku. Jana cudam vyžyła9
Kamientary