U Homieli znoŭ pracuje restaran «Spadčyna», zakryty paśla «Hukańnia viasny»
Papularny restaran biełaruskaj kuchni «Spadčyna», jaki mieścicca ŭ centry Homiela, znoŭ pracuje. Jak zaŭvažyŭ «Fłahštok», praz dva tydni paśla maŭčańnia restaran staŭ abnaŭlać svaju staronku ŭ sacsietcy.
U śviežym dopisie havorycca, što ŭstanova adkryta štodnia i čakaje klijentaŭ. Ale na pytańni ŭ kamientarach restaran adkazvaje ŭnikliva. «Adkrylisia?» — spytaŭ karystalnik. «Pracujem z 11:00 da 23:00, čakajem vas u hości», — nie daŭ pramoha adkazu restaran.
Pry hetym anonsaŭ jakich-niebudź kulturnych mierapryjemstvaŭ, jakija pastajanna ładzilisia va ŭstanovie raniej, pakul niama.
Raniej la ŭvachodu ŭ restaran zaŭvažyli abjavu pra toje, što z 3 krasavika jon začynieny pa techničnych pryčynach (da likvidacyi niepaładak).
Hetaja abviestka źjaviłasia nieŭzabavie paśla taho, jak stała viadoma pra zatrymańnie ŭdzielnikaŭ narodnaha abradu «Hukańnie viasny», jaki pravodziŭ restaran.
Taksama «Fłahštok» zaŭvažyŭ, što ŭstanova, vierahodna, zvolniła svajho art-dyrektara. Raniej adznaka pra takoje miesca pracy stajała ŭ sacsietkach Śviatłany Kaścienka. Ciapier hetych danych na jaje staronkach niama.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami11
Kamientary