Kiravać vybaram placoŭki dla mohilnika jadziernych adkidaŭ budzie były supracoŭnik KDB
13 krasavika Minenierha Biełarusi paviedamiła, što dyrektaram RUP «Biełaruskaja arhanizacyja pa abychodžańni z radyjoaktyŭnymi adkidami» (BiełRAA) pryznačany Michaił Kisiel, jaki raniej zajmaŭ kiraŭničuju pasadu na Biełaruskaj AES. Miesca vyzvaliłasia paśla niadaŭniaha zvalnieńnia papiaredniaha dyrektara Dźmitryja Łohvina, piša «Fłahštok».
Jak daviedaŭsia «Fłahštok», da hetaha Michaił Kisiel zajmaŭ pasadu namieśnika hienieralnaha dyrektara pa režymie i fizičnaj abaronie BiełAES. A jašče raniej jon źjaŭlaŭsia supracoŭnikam Kamiteta dziaržaŭnaj biaśpieki, udałosia vyśvietlić pry dapamozie «Kibierpartyzanaŭ».
Z 2016 hoda Kisiel značyŭsia na słužbie ŭ vajskovaj čaści 10091 — heta centralny aparat KDB Biełarusi. Ale ŭžo ŭ 2017 hodzie jon pryjšoŭ na BiełAES, kali atamnaja stancyja jašče tolki budavałasia. Jak namieśnik hiendyrektara BiełAES jon zhadvajecca ŭ presie jak minimum z 2018 hoda. A taksama — jak «načalnik upraŭleńnia słužby biaśpieki» stancyi. Pry hetym jaho fota dziaržresursy raniej ni razu nie publikavali.
U infarmacyi Minenierha pra novaje pryznačeńnie Kisiala padkreślivajecca, što ŭ liku pastaŭlenych jamu zadač — «realizacyja prajekta pa stvareńni infrastruktury abychodžańnia z radyjoaktyŭnymi adchodami, uklučajučy praviadzieńnie hramadskich abmierkavańniaŭ, vybar placoŭki i padrychtoŭku da licenzavańnia».
Jadzierny mahilnik moža źjavicca ŭ Chojnickim rajonie ŭ Homielskaj vobłaści, Astravieckim rajonie ŭ Hrodzienskaj vobłaści i Mścisłaŭskim rajonie ŭ Mahiloŭskaj vobłaści.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty8
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary
Kibierpartyzanam nas nie dastać, bo my adsłužyli u dakamputarnyja časy, kali kłavijatury była tolki u savieckaj šachtnaj puskavoj ustanoŭcy.