Hryby, žuraviny, aharodnina. Biełkaapsajuz raskazaŭ, kolki možna zarabić na prodažy ŭradžaju
Jakuju sielskahaspadarčuju, dzikarosłuju pradukcyju i pa jakich cenach prymajuć u nasielnictva narychtoŭčyja arhanizacyi spažyvieckaj kaapieracyi, načalnik upraŭleńnia narychtovak i źniešnieekanamičnaj dziejnaści Biełkaapsajuza Alaksiej Sirocin raskazaŭ BIEŁTA.
«Zakupačnyja ceny na pradukcyju ŭstanaŭlivajucca zychodziačy z kanjunktury rynku, jakaści pradukcyi, sortu, pamieru, rynkaŭ zbytu i dalejšych napramkaŭ vykarystańnia, a taksama inšych faktaraŭ», — raskazaŭ Alaksiej Sirocin.
Tak, z 10 kastryčnika bulbu prymajuć pa Br0,5-0,7 za kh,
tamaty — pa Br2-3,5 za kh (u zaležnaści ad vidu i sortu),
kapustu — pa Br0,4-0,7 za kh,
buraki — pa Br0,5-0,8 za kh,
morkvu — pa Br0,6-0,9 za kh,
cybulu — pa Br0,7-1,1 za kh,
časnok — pa Br6-8,5 za kh,
hryby (apieńki, maślaki, hruzdy i inš.) — pa Br1, 5‑5 za kh,
žuraviny — pa Br7, 5‑11 za kh,
jabłyki — pa 2,5-3,5 za kh (dla pramysłovaj pierapracoŭki — pa Br0,3-0,4 za kh).
Pa danych na 13 kastryčnika, zakuplena bulby 9,8 tys. t (u tym liku ŭ nasielnictva 4,4 tys. t), jabłykaŭ — 11,9 tys. t (u tym liku ŭ nasielnictva 10,5 tys. t), ahurkoŭ — 3,6 tys. t (u tym liku ŭ nasielnictva — 2,6 tys. t), tamataŭ — 2,6 tys. t (u tym liku ŭ nasielnictva — 1,8 tys. t), kapusty — 5,6 tys. t (u tym liku ŭ nasielnictva — 4,8 tys. t), zbožža — 23,9 tys. t, biełaruskich kavunoŭ — 197 t, pładoŭ kostačkavych — 70 t, hryboŭ — 23,5 t, bruśnic i žuravin — 86,3 t.
Kamientary