Śpiecpasłańnik Pucina prapanavaŭ złučyć Rasiju i ZŠA «tunelem Pucina — Trampa»
Śpiecpasłańnik rasijskaha prezidenta pa mižnarodnym ekanamičnym supracoŭnictvie i kiraŭnik Rasijskaha fondu pramych inviestycyj Kirył Dźmitryjeŭ prapanavaŭ pabudavać tunel pamiž Rasijaj i ZŠA praź Bierynhaŭ praliŭ. Pavodle jaho słoŭ, hety prajekt pavinien stać simvałam adzinstva pamiž dźviuma krainami, piša The Moscow Times.
Kirył Dźmitryjeŭ nahadaŭ, što jašče ŭ časy prezidenta ZŠA Džona Kienedzi isnavaŭ padobny płan — pabudavać tak zvany «most miru Kienedzi — Chruščova». Novy ž varyjant Dźmitryjeŭ prapanavaŭ nazvać «tunel Pucina — Trampa».
Pa słovach Dźmitryjeva, tunel praciahłaściu kala 112 kiłamietraŭ moh by stvaryć šmat pracoŭnych miescaŭ i dać impuls ekanomikam abiedźviuch dziaržaŭ. Jon taksama śćviardžaje, što košt prajekta moža być značna nižejšy za papiarednija acenki ŭ 65 miljardaŭ dalaraŭ. Z vykarystańniem technałohij kampanii The Boring Company Iłona Maska, pa jaho padlikach, tunel možna budzie pabudavać mienš čym za 8 miljardaŭ dołaraŭ za vosiem hadoŭ.
«Davajcie budavać budučyniu razam!» — zaklikaŭ Dźmitryjeŭ.
Svaju prapanovu jon vykazaŭ paśla telefonnaj razmovy Pucina i Trampa, jakaja adbyłasia 16 kastryčnika. Pa słovach pamočnika Pucina Juryja Ušakova, padčas jaje Donald Tramp adznačyŭ, što zakančeńnie vajny va Ukrainie adkryła b vialikija mahčymaści dla raźvićcia ekanamičnych adnosin pamiž ZŠA i Rasijaj.
Adnak vice-prezident ZŠA Džej Dzi Vens, u svaju čarhu, zajaviŭ, što Vašynhton pakul nie bačyć hatoŭnaści Maskvy i Kijeva spynić kanflikt i padpisać mirnaje pahadnieńnie. Jon ličyć, što adna ź pieraškod — pierakanańnie rasijskaha kiraŭnictva, nibyta armija Rasii dziejničaje lepš, čym jość na samaj spravie. Tym nie mienš, Vens vykazaŭ upeŭnienaść, što Tramp urešcie zdoleje damahčysia miru — «pytańnie tolki ŭ tym, kolki času heta zojmie».
Zialenski sustreŭsia z vytvorcam «Tamahaŭkaŭ»
Tramp pierapyniŭ sustreču na Alascy paśla doŭhaj lekcyi Pucina pra Ruryka i Jarasłava Mudraha
Piaskoŭ patłumačyŭ, čamu miescam budučaj sustrečy Trampa i Pucina abrany Budapiešt
Pucin i Tramp mohuć sustrecca ciaham dvuch tydniaŭ
Tramp pra «Tamahaŭki»: U nas ich šmat, ale jany patrebnyja nam
Tramp pahadziŭsia na jašče adnu sustreču z Pucinym — u Budapiešcie
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary