Спецпасланнік Пуціна прапанаваў злучыць Расію і ЗША «тунэлем Пуціна — Трампа»
Спецпасланнік расійскага прэзідэнта па міжнародным эканамічным супрацоўніцтве і кіраўнік Расійскага фонду прамых інвестыцый Кірыл Дзмітрыеў прапанаваў пабудаваць тунэль паміж Расіяй і ЗША праз Берынгаў праліў. Паводле яго слоў, гэты праект павінен стаць сімвалам адзінства паміж дзвюма краінамі, піша The Moscow Times.
Кірыл Дзмітрыеў нагадаў, што яшчэ ў часы прэзідэнта ЗША Джона Кенэдзі існаваў падобны план — пабудаваць так званы «мост міру Кенэдзі — Хрушчова». Новы ж варыянт Дзмітрыеў прапанаваў назваць «тунэль Пуціна — Трампа».
Па словах Дзмітрыева, тунэль працягласцю каля 112 кіламетраў мог бы стварыць шмат працоўных месцаў і даць імпульс эканомікам абедзвюх дзяржаў. Ён таксама сцвярджае, што кошт праекта можа быць значна ніжэйшы за папярэднія ацэнкі ў 65 мільярдаў даляраў. З выкарыстаннем тэхналогій кампаніі The Boring Company Ілона Маска, па яго падліках, тунэль можна будзе пабудаваць менш чым за 8 мільярдаў долараў за восем гадоў.
«Давайце будаваць будучыню разам!» — заклікаў Дзмітрыеў.
Сваю прапанову ён выказаў пасля тэлефоннай размовы Пуціна і Трампа, якая адбылася 16 кастрычніка. Па словах памочніка Пуціна Юрыя Ушакова, падчас яе Дональд Трамп адзначыў, што заканчэнне вайны ва Украіне адкрыла б вялікія магчымасці для развіцця эканамічных адносін паміж ЗША і Расіяй.
Аднак віцэ-прэзідэнт ЗША Джэй Дзі Вэнс, у сваю чаргу, заявіў, што Вашынгтон пакуль не бачыць гатоўнасці Масквы і Кіева спыніць канфлікт і падпісаць мірнае пагадненне. Ён лічыць, што адна з перашкод — перакананне расійскага кіраўніцтва, нібыта армія Расіі дзейнічае лепш, чым ёсць на самай справе. Тым не менш, Вэнс выказаў упэўненасць, што Трамп урэшце здолее дамагчыся міру — «пытанне толькі ў тым, колькі часу гэта зойме».
Зяленскі сустрэўся з вытворцам «Тамагаўкаў»
Трамп перапыніў сустрэчу на Алясцы пасля доўгай лекцыі Пуціна пра Рурыка і Яраслава Мудрага
Пяскоў патлумачыў, чаму месцам будучай сустрэчы Трампа і Пуціна абраны Будапешт
Пуцін і Трамп могуць сустрэцца цягам двух тыдняў
Трамп пра «Тамагаўкі»: У нас іх шмат, але яны патрэбныя нам
Трамп пагадзіўся на яшчэ адну сустрэчу з Пуціным — у Будапешце
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»30
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары