Tramp pierapyniŭ sustreču na Alascy paśla doŭhaj lekcyi Pucina pra Ruryka i Jarasłava Mudraha
Padčas samitu na Alascy 15 žniŭnia Uładzimir Pucin adchiliŭ prapanovy Donalda Trampa ab spynieńni vajny i pačaŭ doŭhuju histaryčnuju lekcyju. Paśla hetaha Tramp pierapyniŭ sustreču, piša Financial Times sa spasyłkaj na svaje krynicy.
U prysutnaści niekalkich daradcaŭ Pucin adchiliŭ prapanovu ZŠA ab pasłableńni sankcyj uzamien na spynieńnie ahniu, nastojvajučy, što vajna skončycca tolki kali Ukraina kapituluje i sastupić bolš terytoryi na Danbasie.
Zatym rasijski prezident pračytaŭ histaryčnuju lekcyju pra «adzinstva Rasii i Ukrainy», jakaja achoplivała siaredniaviečnych kniazioŭ, takich jak Ruryk i Jarasłaŭ Mudry, a taksama kazackaha hietmana XVII stahodździa Bahdana Chmialnickaha.
Źbity z tołku, Tramp niekalki razoŭ pavyšaŭ hołas i ŭ adzin momant pahražaŭ syści. U kančatkovym vyniku jon spyniŭ sustreču i admianiŭ zapłanavany abied, dzie bolš šyrokija delehacyi pavinny byli abmierkavać ekanamičnyja suviazi i supracoŭnictva.
Hety samit na Alascy staŭ pavarotnym momantam, jaki pakłaŭ pačatak zruchu ŭ palitycy Trampa na karyść Ukrainy.
Na Alascy Tramp skazaŭ, što ZŠA hatovyja pryznać aneksiju Kryma Rasijaj u 2014 hodzie i padšturchnuć Ukrainu da adviadzieńnia vojskaŭ ź niekatorych pazicyj na linii frontu va ŭschodnim rehijonie Danbasa, kali Rasija spynić bajavyja dziejańni, paviedamili dźvie krynicy, znajomyja ź situacyjaj.
Ale mierkavanaja ździełka była zasnavana na pamyłkovych ujaŭleńniach. Terytaryjalnyja «sastupki» Rasii zvodzilisia da zhody na zamarožvańnie linii frontu ŭ niekatorych rajonach, jakija jana nie zmahła zachapić siłaj — patrabujučy pry hetym, kab Ukraina zdała ŭvieś Danbas.
Ciapier čytajuć
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha35
Kamientary
Riurik był biełarusom iz pod Hrodno.
My Litva i my Ruś!
Kakije jeŝio voprosy?
Moža amierykancy trochi zrazumiejuć, čamu vajna raspačałasia na samoj spravie.