Tramp zapiarečyŭ, što prymušaŭ Zialenskaha addać Rasii ŭvieś Danbas
Sustreča ŭ piatnicu pamiž Donaldam Trampam i Uładzimiram Zialenskim u Biełym domie prajšła ŭ napružanaj atmaśfiery.
Prezident ZŠA Donald Tramp abvierhnuŭ, što prymušaŭ ukrainskaha prezidenta Uładzimira Zialenskaha pahadzicca na pieradaču Rasii ŭsiaho Danbasa.
Sustreča ŭ piatnicu pamiž Donaldam Trampam i Uładzimiram Zialenskim u Biełym domie prajšła ŭ napružanaj atmaśfiery, piša Reuters.
Pa słovach surazmoŭcaŭ ahienctva, abmierkavańnie zaviaršyłasia pazicyjaj Trampa nakont «pahadnieńnia tam, dzie my znachodzimsia» — heta značyć zamarožvańnie kanfliktu pa ciapierašnich linijach raźmiežavańnia.
«My ličym, što jany pavinny prosta spynicca na linijach, dzie jany znachodziacca», — skazaŭ Tramp žurnalistam na borcie Air Force One u niadzielu. U toj ža čas jon abvierh, što prapanoŭvaŭ Zialenskamu addać Rasii ŭvieś Danbas.
«Niachaj jon budzie padzieleny tak, jak jość. Jon padzieleny ciapier. Ja liču, što 78% ziamli ŭžo zachoplena Rasijaj»,— adznačyŭ amierykanski prezident u adkaz na pytańnie karespandenta Reuters.
Tramp dadaŭ, što baki mohuć damovicca pra niešta paźniej, namiakajučy na mahčymaść budučych pieramovaŭ.
Pavodle infarmacyi krynic ahienctva, sustreča stała rasčaravańniem dla ŭkrainskaha boku.
Zialenski spadziavaŭsia pierakanać amierykanskaha lidara pieradać Kijevu kryłatyja rakiety «Tamahaŭk», zdolnyja paražać celi ŭ hłybini rasijskaj terytoryi. Adnak, jak paviedamiŭ u niadzielu vice-prezident Džej Dzi Vens, Tramp jašče nie pryniaŭ kančatkovaha rašeńnia pa hetym pytańni.
Pavodle niekalkich krynic, razmova była dalokaj ad dypłamatyi.
«Heta było davoli drenna», — skazała adna z krynic, śćviardžajučy, što pasył Trampa zvodziŭsia da taho, što «vaša kraina zamierźnie, i vaša kraina budzie źniščana», kali Ukraina nie padpiša pahadnieńnie z Rasijaj.
Inšaja krynica abvierhła vykarystańnie słova źniščana, ale abiedźvie paćvierdzili, što Tramp niekalki razoŭ užyvaŭ niecenzurnuju leksiku.
U surazmoŭcaŭ skłałasia ŭražańnie, što na pazicyju Trampa mocna paŭpłyvała jaho razmova z Uładzimiram Pucinym, jakaja adbyłasia napiaredadni.
Pavodle Financial Times, padčas hetaj razmovy Pucin prapanavaŭ terytaryjalny abmien: Ukraina admaŭlajecca ad Danieckaj i Łuhanskaj abłaściej u abmien na nievialikija častki Zaparožskaj i Chiersonskaj abłaściej. Adna z krynic vydańnia śćviardžaje, što Tramp skazaŭ Zialenskamu, što Pucin pahražaŭ «źniščyć» Ukrainu, kali jana nie pahodzicca.
Admova ad hetaj terytoryi, pavodle adnaho z krynic Reuters, zrobić astatniuju častku Ukrainy značna ŭraźlivaj da dalejšych rasijskich napadaŭ i budzie raŭnavažnaja «samahubstvu».
Siarod amierykanskich čynoŭnikaŭ najbolš ahresiŭna pierakonvaŭ ukrainski bok pahadzicca na rasijskuju prapanovu śpiecpasłaniec Trampa Styŭ Uitkaf. Jon apielavaŭ da taho, što ŭ Danieckaj i Łuhanskaj abłaściach pražyvaje značnaja častka ruskamoŭnaha nasielnictva, dadaje «Ukrainskaja praŭda».
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary
To bok, vyjaŭlajecca, što mienavita mova staje apošnim arhumientam na karyść akupacyi. A ŭ našych "tožiebiełorussov" dahetul u hałavie "kakaja raźnica", chacia abrasiili ŭžo amal usiu nacyju.