Na sustrečy ŭ Biełym domie ŭ piatnicu Tramp pieradaŭ Zialenskamu słovy Pucina, što kali Ukraina na heta nie pahodzicca, to jon jaje «źniščyć». Pra heta piša Financial Times sa spasyłkaj na krynicy, znajomyja ź situacyjaj.
Pa słovach surazmoŭcaŭ haziety, sustreča prezidentaŭ ZŠA i Ukrainy šmat razoŭ pierarastała ŭ «svarku krykami», pry hetym Tramp «uvieś čas łajaŭsia».
Jany dadali, što prezident ZŠA adkinuŭ karty linii frontu va Ukrainie, nastojvaŭ na tym, kab Zialenski zdaŭ uvieś Danbas Pucinu, i nieadnarazova paŭtaraŭ tezisy, jakija rasijski lidar ahučyŭ padčas ich telefonnaj razmovy dniom raniej.
Choć Ukrainie ŭdałosia pierakanać Trampa padtrymać zamarožvańnie biahučaj linii frontu, hetaja vostraja sustreča, zdajecca, adlustravała źmienlivaść pazicyi Trampa ŭ dačynieńni da vajny i jaho hatoŭnaść padtrymać maksimalisckija patrabavańni Pucina, piša vydańnie.
Padčas piatničnaj sustrečy Tramp dasłoŭna paŭtaryŭ mnohija tezisy Pucina, navat kali jany supiarečyli jahonym ułasnym niadaŭnim zajavam ab słabaści Rasii, paviedamili jeŭrapiejskija čynoŭniki, aznajomlenyja z chodam sustrečy.
Vydańnie paćviardžaje infarmacyju ab tym, što padčas telefonnaj razmovy ŭ čaćvier «Pucin zrabiŭ Trampu novuju prapanovu, zhodna ź jakoj Ukraina addaść kantralavanyja joju častki Uschodniaha Danbasu ŭ abmien na nievialikija terytoryi dźviuch paŭdniovych pryfrantavych abłaściej — Chiersonskaj i Zaparožskaj».
Jak havorycca ŭ materyjale, rasijskaja prapanova źjaŭlajecca nievialikaj sastupkaj u paraŭnańni z toj, jakuju Pucin zrabiŭ padčas apošniaj sustrečy z Trampam u Alascy ŭ žniŭni, dzie jon zajaviŭ, što pahodzicca zamarozić liniju frontu ŭ inšych rehijonach, kali Ukraina addaść Danbas.
Jak piša vydańnie, vajaŭničaje paŭtareńnie Trampam rytoryki Pucina ŭ piatnicu razburyła nadziei mnohich jeŭrapiejskich chaŭruśnikaŭ Ukrainy na toje, što jaho možna pierakanać pavialičyć padtrymku Kijeva.
Troje inšych jeŭrapiejskich čynoŭnikaŭ, jakija byli prainfarmavanyja ab abmierkavańni ŭ Biełym domie, paćvierdzili, što Tramp pravioŭ bolšuju častku sustrečy, čytajučy lekcyi Zialenskamu, paŭtarajučy arhumienty Pucina adnosna kanfliktu i zaklikajučy jaho pryniać rasijskuju prapanovu.
«Zialenski byŭ vielmi niehatyŭna nastrojeny» paśla sustrečy, sa słoŭ adnaho z čynoŭnikaŭ, jaki dadaŭ, što jeŭrapiejskija lidary «nie byli aptymistyčnymi, ale prahmatyčna padychodzili da płanavańnia nastupnych krokaŭ».
Zialenski: Pucin mianie nienavidzić. U mianie anałahičnaje staŭleńnie da jaho
Tramp prapanavaŭ i Rasii, i Ukrainie abviaścić siabie pieramožcami
Tramp skazaŭ Zialenskamu, što pakul nie maje namieru pastaŭlać Kijevu rakiety «Tamahaŭk»
Zialenski hetym razam jeździŭ da Trampa z kartami Rasii
Zialenski prapanuje Trampu ŭ abmien na «Tamahaŭki» ŭkrainskija drony
Ciapier čytajuć
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ54
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1818
Kamientary
Nu što, lapidarnyja, jak nastroj? Što z tvaram? Čo takija kisłyja?