Biełarusy zmohuć nabyvać knihi ŭślapuju — na ich navat budzie źnižka
Sietka kram OZ.by zapuskaje ekśpierymient dla čytačoŭ.
Z 21 kastryčnika na palicach źjaviacca vydańni ŭ nieprazrystych pastelnych upakoŭkach, dzie zamiest zvykłaj vokładki — karotkaje apisańnie siužetu, piša Tochka.by.
Nazvy i aŭtary zastanucca ŭ sakrecie da samaha momantu raspakoŭki. Praŭda, niekatoryja zmohuć zdahadacca i pa karotkaj anatacyi, bo knihi dla akcyi padabrali davoli viadomyja. Usiaho vybrali kala 30 tvoraŭ.
Siarod ich — «Marcin Iden», «Navalničny pieravał», «451° pa Farenhiejcie», «Partret Daryjana Hreja», «Kvietki dla Ełdžernona», «Narviežski les», «Kali ŭsie koški ŭ śviecie źniknuć», «Ahient pryvid. Duchi Minska» i inšyja.
Toj, chto vyrašyć vyprabavać los, atrymaje knihi sa źnižkaj 20%. A na niekatoryja tvory cana źnizicca na 30%.«My chočam dadać trochi vastryni ŭ takuju zvykłuju spravu, jak kupla knih. Niachaj čytačy adčujuć lohkaje chvalavańnie — jak pierad spatkańniem uślapuju», — adznačyli ŭ OZ.
Praŭda, možna daviedacca nazvu knihi i da raspakoŭki. Dla hetaha dastatkova adskanavać QR-kod, jaki jość na advarotnym baku kožnaj upakoŭki.
Tak što kali ŭpadabanaja kniha jość u śpisie, to jaje lohka možna nabyć z pryjemnym dyskontam.
Ciapier čytajuć
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1313
Kamientary