Škodu ad skradzienych z Łuŭra kaštoŭnaściaŭ acanili ŭ 88 miljonaŭ jeŭra
Paryžskaja prakuratura ahučyła sumu škody ad kradziažu z halerei Apałona ŭ Łuŭry, pieradaje Le Monde.
Pa słovach prakurora, kuratar z Łuŭra acaniŭ stračanyja kaštoŭnaści ŭ 88 miljonaŭ jeŭra.
Heta «nadzvyčaj uražvajučaja» suma, ale, dadała prakuror, jana «nie supastaŭlalnaja» z histaryčnaj škodaj.
Jana taksama zaŭvažyła, što złačyncy nie zmohuć zarabić takija hrošy, kali raskruciać ci pierapłaviać kaštoŭnaści.
Pa słovach prakurora, rasśledavańnie praciahvajecca, «ustanoŭlenyja asoby čatyroch čałaviek, jakija prysutničali na miescy zdareńnia, adnak niama ŭpeŭnienaści ŭ tym, što nie było hrupy, jakaja mahła b im dapamahčy»,
Śpiecyjalistka nie vyklučyła, što rabaŭnikam mahli dapamahčy supracoŭniki muzieja.
19 kastryčnika ŭ paryžskim Łuŭry adbyłosia dziorzkaje abrabavańnie, złačyncy źbiehli.
Rabaŭniki vykarystoŭvali aŭtavyšku i vyrazali vokny bałharkaj. Jany pranikli ŭ halereju Apałona praz budynak, dzie prachodzili budaŭničyja raboty.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary