Jeŭrasajuz ranicaj 23 kastryčnika kančatkova zaćvierdziŭ 19‑y pakiet sankcyj suprać Rasii.
«Rady paviedamić, što Rada zaćvierdziła 19‑ty pakiet sankcyj», — adznačyli ŭ kamientary «Jeŭrapiejskaj praŭdzie».
Pašyrajecca ekspartnaja zabarona na pramysłovyja tavary, jak sol, kaŭčuk, budaŭničyja materyjały, technałahičnyja tavary.
Pašyrajucca kryteryi ŭniasieńnia ŭ sankcyjnyja śpisy partoŭ u trecich krainach, jakija ŭdzielničajuć u pieravozcy BPŁA i rakiet u Rasiju ci abychodzie naftavych sankcyj.
Uvodzicca novy miechanizm abmiežavańnia pieramiaščeńnia rasijskich dypłamataŭ u ES z 3‑miesiačnym pierachodnym pieryjadam.
Vyznačajucca novyja kryteryi ŭklučeńnia ŭ sankcyjnyja śpisy ŭ suviazi z udziełam u vykradańni akupacyjnaj uładaj RF ukrainskich dziaciej.
Pašyrajecca zabarona na pradastaŭleńnie pasłuh u śfiery ŠI, składanych kampjutarnych technałohij, kamiercyjnych kaśmičnych pasłuh. Nadańnie RF lubych pasłuh, jakija jašče nie zabaronieny sankcyjami, patrabuje papiaredniaha ŭzhadnieńnia.
Dadatkova, jeŭrapiejskim apierataram budzie zabaroniena pradastaŭlać pasłuhi, źviazanyja z turyzmam u Rasii.
Ciapier čytajuć
Kab nie trapić na Akreścina, minčuk źbieh žyć u les — voś jaho historyja9
Kamientary