U Kamierunie samy stary prezident u śviecie pieravybrany na novy vośmy termin
Samy stary kiraŭnik dziaržavy ŭ śviecie, 92‑hadovy prezident Kamieruna Pol Bija, pieravybrany na novy siamihadovy termin.
Bija nabraŭ 53,66% hałasoŭ, paviedamlaje Bi-bi-si.
Za čas pieradvybarnaj kampanii Bija pravioŭ tolki adzin mitynh. Dziesiać dzion kampanii jon pravioŭ u Jeŭropie, dzie znachodziŭsia z pryvatnym vizitam.
Patencyjna mocnaha supiernika, lidara apazicyi Marysa Kamto, u lipieni da vybaraŭ nie dapuścili. Hetaje rašeńnie było paćvierdžana Kanstytucyjnym sudom, ale mnohija ŭ krainie ŭspryniali jaho jak chitraść, kab prybrać kankurenta. Paśla minułych vybaraŭ u 2018 hodzie Kamto zajaŭlaŭ pra svaju pieramohu i ładziŭ masavyja pratesty.
Bija zajmaje pasadu prezidenta Kamieruna z 1982 hoda. Paśla admieny abmiežavańnia na kolkaść prezidenckich terminaŭ u 2008 hodzie jon atrymaŭ mahčymaść bałatavacca nieabmiežavanuju kolkaść razoŭ. U vypadku pieramohi jon zastaniecca va ŭładzie da 99 hadoŭ. Pytańni pra stan zdaroŭja Bija rehularna stanoviacca pradmietam hramadskaha abmierkavańnia, asabliva paśla jaho 42‑dzionnaj adsutnaści letaś. Ułady tady zajavili, što jon adčuvaje siabie dobra, i zabaranili publičnaje abmierkavańnie hetaj temy, spasyłajučysia na mierkavańni nacyjanalnaj biaśpieki.
Kamientary