Jak vyjechać ź Biełarusi ŭ Jeŭropu i viarnucca nazad, kali miaža ź Litvoj zakrytaja? Spojler: varyjantaŭ nie šmat

Łatvija — dobry varyjant, ale ź niuansami

Najbližejšy punkt propusku ad Kamiennaha Łohu i Bieniakoniaŭ znachodzicca ŭ Łatvii. Ad Vilni da Paternijekaŭ — kala 270 kiłamietraŭ.

Ale chutka vyjechać ź ES praz Łatviju nie atrymajecca. Ad 1 vieraśnia dziejničajuć novyja praviły ŭjezdu ŭ Łatviju. Zamiežnik abaviazany zapoŭnić ankietu nie paźniej jak za 48 hadzin da pierasiačeńnia miažy. Kali ankiety nie budzie — tearetyčna moža čakać štraf da 2000 jeŭra i departacyju. Heta datyčycca ŭ tym liku tranzitu pa terytoryi Łatvii pry zajeździe z Estonii i Litvy.

Pry hetym treba ŭličvać, što prynamsi častka aŭtobusaŭ z Łatvii jechała praź Litvu, jak, naprykład, maršrut Ryha — Minsk ad Ecolines.

Pavialičyć

U Minsktransa jość adzin z aŭtobusaŭ, jaki jedzie ź Minska ŭ Ryhu, abminajučy Litvu, — praź Vierchniadźvinsk i Daŭhaŭpiłs (Dźvinsk).

Siarod rejsaŭ, jakija jašče jeduć praź biełaruska-łatvijskuju miažu —Ryha-Homiel. Jedzie jon praz Daŭhaŭpiłs (Dźvinsk), Połack, Viciebsk, Oršu i Mahiloŭ.

Pavialičyć

Dabracca z Daŭhaŭpiłsa ŭ Połack možna ŭsiaho za 41 jeŭra.

Dla tych, chto zachras u Litvie na aŭto, treba viedać dva momanty. Pieršy — pazityŭny. Kali paśla zapusku elektronnaj čarhi vyjechać z Łatvii ŭ Biełaruś było mahčyma nie raniej čym praz tydzień, to pa stanie na ranicu 27 kastryčnika svabodnyja akiency jość na vyjezd u toj ža dzień.

Pavialičyć

Kali raniej na sutki było 55 słotaŭ, to ciapier — amal 150.

Druhaja važnaja akaličnaść zaklučajecca ŭ tym, što ŭ Łatvii praciahvaje dziejničać poŭnaja zabarona na prajezd aŭto ź biełaruskimi numarami. Tamu zapoŭnić za 48 hadzin ankietu i biez čarhi vyjechać praz Łatviju mohuć nie ŭsie.

Karaciej, trapić ź Biełarusi ŭ Łatviju na aŭto možna biez čarhi — hałoŭnaje, kab mašyna nie była na biełaruskaj abo rasijskaj rehistracyi.

Polšča

Ad Vilni da polskaha Tarespala — kala 550 kiłamietraŭ, ale mienavita hety doŭhi maršrut moža stać samym chutkim šlacham dla viartańnia ŭ Biełaruś.

U Polščy niama ni zabarony na prajezd na aŭto ź biełaruskimi numarami, ni ankiet, jakija treba zapaŭniać zahadzia, ni elektronnaj čarhi. Pa stanie na 9:30 ranicy ŭ čarzie na vyjezd z Polščy ŭ Biełaruś było kala 10 mašyn.

Bilety na aŭtobus z Varšavy da Bresta kaštujuć kala 100—120 rubloŭ, z Varšavy ŭ Minsk — ad 130 rubloŭ, a ź Biełastoka ŭ Hrodna — kala 150 rubloŭ. Tamu varyjantaŭ, jak viarnucca praz Polšču, chapaje — roŭna jak i dabracca ź Biełarusi ŭ Polšču.

Pa stanie na ranicu 27 kastryčnika ŭ čarzie na vyjezd ź Biełarusi ŭ Polšču stajać 20 aŭtobusaŭ i amal 800 lehkavikoŭ. Trapić u Polšču aŭtobusam možna mienš čym praz sutki, a na aŭto praz hadin 25-30, pakolki za sutki praź miažu prajazdžaje kala 650‑750 lehkavych aŭto.

U elektronnaj čarzie na vyjezd u Litvu staić 100 lehkavych u Bieniakoniach i 180 u Kamiennym Łozie, a taksama 1600 hruzavikoŭ (750 Bieniakoni, 850 Kamienny Łoh).

Kalininhrad 

Trapić u Jeŭrasajuz i viarnucca nazad u Biełaruś možna i praz Rasiju.

Bližejšyja bilety na ciahnik da Kalininhrada možna nabyć z vyjezdam a 21:57 ź Minska, a ŭ 8:30 ciahnik prybyvaje ŭ Kalininhrad.

Pavialičyć

Bilety kaštujuć ad 283 rubloŭ. Vyjści ź ciahnika na terytoryi Litvy nielha, tamu ŭ lubym vypadku daviadziecca jechać da Kalininhradskaj vobłaści — možna da Nieścierava ci Čarniachoŭska, — a ŭžo adtul dabiracca da Litvy abo Polščy.

Aŭtobus pamiž Vilniaj i Kalininhradam kursiruje dva-try razy na tydzień. Bilety kaštujuć kala 80 jeŭra. Kali dabiracca pierakładnymi, to budzie tańniej, ale i času heta zžare niamała.

Pamiž Varšavaj i Kalininhradam aŭtobus u Ecolines kursiruje štodnia. Bilety pa 64 jeŭra.

Ceny na płackartu z Kalininhrada ŭ Minsk pačynajucca ad 320 rubloŭ, vyjechać z Kalininhrada možna choć siońnia.

Možna navat samalotam, ale znoŭ praz Kalininhrad

Trojčy na tydzień jość rejs Minsk — Kalininhrad. Bližejšyja bilety jość na vylet ź Minska 31 kastryčnika. Košt — 732 rubla. Na vylet 1 listapada — 455 rubloŭ. Čas palotu — 2:45.

• 3
• 1
• 2
• 7
• 1
• 5
• 0
• 0