Cichanoŭskaja: My padtrymlivajem sankcyi pry zachavańni miežaŭ adkrytymi dla pasažyrskich pieravozak
Śviatłana Cichanoŭskaja vystupiła z asudžeńniem pravakacyj suprać Litvy.
«My asudžajem apošnija pravakacyi Łukašenki suprać Litvy. Hetyja hibrydnyja ataki, padobnyja da tych, što źviazanyja ź mihrantami, nakiravanyja na pravierku biaśpieki NATO i naniasieńnie škody ekanomicy Litvy i JeC. My padtrymlivajem sankcyi, takija jak spynieńnie tranzitu tavaraŭ, pry zachavańni miežaŭ adkrytymi dla pasažyrskich pieravozak», — havorycca ŭ dopisie ŭ sacsietcy Ch.
Nahadajem, što siońnia litoŭski ŭrad zajaviŭ pra zakryćcio miažy na niapeŭny termin u vyniku zalotu mieteazondaŭ z boku Biełarusi. Na minułym tydni byli zafiksavanyja čatyry takija vypadki, uviečary ŭ aŭtorak, a potym try dni zapar: ź piatnicy da niadzieli. Usie čatyry razy zakryvaŭsia Vilenski aeraport.
U zahinułaj u Ślapiancy dziaŭčynie apaznali Janu Kastrankovu2
Kamientary