Hienadź Fiadynič z materyjałaŭ śledstva daviedaŭsia, što za im sačyli 17 hadoŭ i dla hetaha navat stavili žučki praz adtulinu z paviercha vyšej
Były staršynia niezaležnaha Prafsajuza rabotnikaŭ radyjoelektronnaj pramysłovaści Hienadź Fiadynič vyjšaŭ z Babrujskaj kałonii № 2 paŭtara miesiaca tamu. U intervju «Radyjo Svaboda» jon raspavioŭ niekatoryja detali svajho źniavoleńnia.
Sa słoŭ byłoha palitviaźnia Hienadzia Fiadyniča, padčas aryštu ŭ KDB jon daviedaŭsia, što jašče da 2020 hodu ŭ ofisach niezaležnych prafsajuzaŭ ustalavali prasłuchoŭvańnie.
«Akazvajecca, za mnoj asabista ažno 17 hadoŭ sačyli — čverć žyćcia byŭ, jak u toj prykazcy, «pad kaŭpakom u Miulera». A jašče daviedaŭsia, što adzin naš ofis prasłuchoŭvali z kaviarni źvierchu, ustalavaŭšy admysłovaje špijonskaje abstalavańnie — jak u Paryžy HPU słuchała biełahvardziejcaŭ! Śmiech!
Pytaŭsia ŭ śledčych: ci dapamahło heta sabrać dokazy? Bo ŭ spravie ničoha z dokazaŭ potym nie akazałasia. Tamu i sud nad nami zakryli, bo bajalisia, što ludzi pryjduć i pabačać hetuju fikcyju», — miarkuje były źniavoleny.
Hienadziu Fiadyniču 68 hadoŭ, z kałonii jaho vyvieźli 11 vieraśnia i, razam ź inšymi palitviaźniami, i adpravili ŭ Litvu.
Aryštavali jaho 19 krasavika 2022 hodu, padčas prafsajuznaha pasiadžeńnia ŭ ofisie na vulicy Kulman u Minsku.
«Raptam hrukat u dźviery i z taho boku kažuć, što heta ŽES. Adkazvaju, što «my ŽES nie vyklikali». Našy rahočuć, a adtul znoŭ hrukat i kryki, što heta KDB. Darečy, raniej my pabačyli dopis u milicejskim telehramie, što ŭ REP nibyta sabralisia ekstremisty. Tady paśmiajalisia i zabyli, a tut daviałosia zhadać. Pavieźli nas u KDB i tam, z «amierykanki», dziesiać dzion ciahali na dopyty», — zhadaŭ dla «Radyjo Svabody» Hienadź Fiadynič.
Asudzili Fiadyniča na 9 hadoŭ źniavoleńnia pa artykułach ab stvareńni «ekstremisckaha farmiravańnia» ci ŭdziele ŭ im (art. 361‑1 KK), raspalvańni varožaści (art. 130 KK) i zaklikach da dziejańniaŭ suprać nacbiaśpieki (art. 361 KK).
Vyzvalenyja z departacyjaj 52 palitviaźni. Statkievič admoviŭsia pakinuć Biełaruś i viarnuŭsia
Jak Fiadynič adkryŭ aŭtobus Statkieviču na miažy i jak Viniarski taksama vyjšaŭ, kab zastacca ŭ Biełarusi. Novyja padrabiaznaści
Były palitviazień Hienadź Fiadynič raskazaŭ, čamu admoviŭsia za kratami ad apieracyi
Prajšła pres-kanfierencyja vyzvalenych palitviaźniaŭ
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary