U honar adkryćcia novaha napramku dla pasažyraŭ arhanizavali śviata z azijackim kałarytam. Pieršym turystam uručyli asobny padarunak, piša BiełTA.
U mierapryjemstvie ŭziali ŭdzieł kiraŭnictva avijakampanii, pradstaŭniki MZS i Nacyjanalnaha aeraporta Minsk, a taksama pasoł Šry-Łanki ŭ Rasii Šabini Hunasiekiera.
Hety dalokamahistralny rejs — treci ź niadaŭna adkrytych «Biełavija». Da hetaha ŭ Nacyjanalnym aeraporcie Minsk dali start palotam u Sańju (Kitaj), na Fukuok (Vjetnam). Taksama adnavilisia čartary ŭ Aman.
Rejsy Minsk — Matała buduć vykonvacca raz na tydzień pa aŭtorkach.
Dla ŭjezdu ŭ Šry-Łanku hramadzianam Biełarusi nieabchodna zahadzia aformić elektronny dazvoł na ŭjezd (ETA). Padać zajaŭku možna jak indyvidualna, tak i ŭ składzie hrupy. Termin razhladu — da 24 hadzin.
Termin dziejańnia vizy: 30 dzion z mahčymaściu dvuchrazovaha ŭjezdu.
A ŭ studzieni startujuć pramyja rejsy «Biełavija» ŭ Tajłand. Z 8 studzienia avijakampanija pačnie lotać u Pataju (aeraport Utapao), z 11 studzienia — na Pchukiet.
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary