Urad Litvy rastłumačyŭ, jak budzie pracavać miaža ź Biełaruśsiu, zakrytaja na niavyznačany termin.
Miaža zastajecca zakrytaj minimum da sierady. Paśla pasiadžeńnia ŭrada stanie viadoma pra dalejšaje raźvićcio situacyi. Litoŭski bok hatovy da doŭhaterminovaha zakryćcia miažy.
«My ŭžo padrychtavali rašeńnie ab zakryćci miažy ź Biełaruśsiu na nieakreśleny termin», — zajaviła premjer-ministr Inha Ruhinienie.
Kiraŭnica ŭrada rastłumačyła, jakim čynam budzie funkcyjanavać zakrytaja miaža ź Biełaruśsiu.
Pavodle Ruhinienie, buduć dziejničać vyklučeńni: dypłamatyčnaja pošta zmoža ruchacca, hramadzianie Litvy i ES zmohuć viarnucca ź Biełarusi, astatni ruch budzie spynieny.
Taksama Litva budzie damahacca ŭviadzieńnia sankcyj suprać Biełarusi z-za hibrydnych atak, jakija pačaścilisia.
Viečaram 26 kastryčnika čarhovy raz była spyniena praca Vilenskaha aeraporta. Heta ŭžo treci viečar zapar, kali z-za vialikaj kolkaści kantrabandysckich šaroŭ z boku Biełarusi spynialisia paloty i zakryvalisia pamiežnyja punkty propusku. Ahułam u kastryčniku było sarvana bolš za 170 rejsaŭ u litoŭskich aeraportach, paciarpieli 27 000 pasažyraŭ.
Praz hibrydnuju ataku ź biełaruskaha boku litoŭski ŭrad staŭ abjektam žorstkaj krytyki z boku apazicyi.
«Litva stanovicca niedziejazdolnaj krainaj, jakuju zachočuć abjazdžać bokam jak biznesmieny, tak i turysty», — zajaviŭ staršynia Demakratyčnaha sajuza «U imia Litvy» Saŭlus Skviarnialis.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ7
Kamientary
Začyniajcie da čaćviarha.