«Jamu treba zakančvać vajnu, a nie pravodzić vyprabavańni».
Prezident ZŠA Donald Tramp prakamientavaŭ niadaŭnija zajavy Uładzimira Pucina ab paśpiachovym vyprabavańni novaj kryłataj rakiety ź jadziernaj ustanoŭkaj «Buravieśnik», jakaja, pavodle rasijskaha boku, pralacieła 14 tysiač kiłamietraŭ.
Tramp pastaviŭ pad sumnieŭ nieabchodnaść takich dasiahnieńniaŭ, padkreśliŭšy, što ZŠA majuć značnyja srodki strymlivańnia.
«Jany viedajuć, što ŭ nas jość atamnaja padvodnaja łodka — najlepšaja ŭ śviecie — prama kala ich bierahoŭ. Tak što nam nie treba, kab rakieta lotała na 8000 mil», — skazaŭ Tramp.
Jon dadaŭ, što ličyć takija zajavy Pucina niedarečnymi i zaklikaŭ jaho zasiarodzicca na inšym.
«Ja nie liču darečnym, što Pucin robić takija zajavy. Jamu varta było b skončyć vajnu, jakaja pavinna była doŭžycca adzin tydzień, a ciapier nabližajecca ŭžo da čaćviortaha hoda. Voś hetym jamu i varta zaniacca zamiest vyprabavańniaŭ rakiet», — reziumavaŭ Tramp.
Kamientary