Polšča raspačała kryminalnuju spravu za sprobu viarboŭki biełaruskimi śpiecsłužbami supracoŭnikaŭ NAU
U kancy lipienia nie mienš za 10 supracoŭnikaŭ Narodnaha antykryzisnaha ŭpraŭleńnia atrymali paviedamleńni ad biełaruskich śpiecsłužbaŭ z prapanovami ab supracoŭnictvie. Paviedamleńni ŭtrymlivali šantaž, sproby podkupu i abiacańni «pačać usio z čystaha lista», paćvierdzili polskija prakurory.
Akruhovaja prakuratura ŭ Varšavie raspačała kryminalnuju spravu pa fakcie sprobaŭ viarboŭki supracoŭnikaŭ Narodnaha antykryzisnaha ŭpraŭleńnia, što razhladajecca jak dziejańni suprać biaśpieki Polščy. Pra heta 8 listapada stała viadoma namieśniku kiraŭnicy Abjadnanaha Pierachodnaha Kabinieta i kiraŭniku NAU Paŭłu Łatušku.
Zhodna z aficyjnym paviedamleńniem, sprava była raspačata 23 kastryčnika 2025 hoda pa fakcie nakiravańnia nie mienš jak 10 supracoŭnikam NAU paviedamleńniaŭ z prapanovami ab supracoŭnictvie sa śpiecsłužbami Biełarusi. Hetyja dziejańni ŭklučali šantaž, sproby podkupu, finansavuju padtrymku i prapanovy pačać usio z «čystaha lista».
Kryminalnaja sprava raspačataja pa artykule 130 častka 1 Kryminalnaha kodeksa Respubliki Polšča. Hety artykuł datyčycca špijanažu i praduhledžvaje pakarańnie ad 5 da 30 hadoŭ pazbaŭleńnia voli za ŭdzieł u dziejnaści zamiežnaj raźviedki suprać Polščy.
Pavieł Łatuška adznačyŭ, što zaviadzieńnie spravy «paćviardžaje surjoznaść i maštabnaść dziejańniaŭ śpiecsłužbaŭ režymu, nakiravanych na supraćdziejańnie dziejnaści demakratyčnych struktur Biełarusi i aktyvistaŭ, a taksama stvareńnie pahroz biaśpiecy Respubliki Polšča».
Kiraŭnik NAU zaklikaŭ biełarusaŭ, jakija sutykajucca ź pieraśledam i pahrozami ad biełaruskich śpiecsłužbaŭ na terytoryi Polščy, infarmavać pra heta Akruhovuju prakuraturu ŭ Varšavie dla abahulnieńnia i rasśledavańnia ŭ ramkach adnoj kryminalnaj spravy.
-
Rasijaninu, jaki pjanym pabiŭsia z achoŭnikami minskaha mietro, vynieśli łahodny prysud
-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»36
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary