Pa stanie na ranicu sierady 14‑hadovaha Maksima Ziańkoviča nie znajšli. Jakija asnoŭnyja viersii źniknieńnia
Pošuki praciahvajucca piaty dzień.
Niahledziačy na ŭskładnieńnie ŭmovaŭ z-za daždžu, pošukava-vyratavalnaja apieracyja pa pošuku źnikłaha 14‑hadovaha Maksima ŭ Biarezinskim rajonie praciahvajecca ŭ kruhłasutačnym režymie. Da apieracyi dałučyłasia novaja hrupa vałancioraŭ — ludzi pryjazdžajuć z usich napramkaŭ, kab dapamahčy ŭ abśledavańni terytoryi, piša «Minskaja praŭda».
Niahledziačy na niepahadź, da pračesvańnia svaich učastkaŭ užo chutka prystupić atrad chłopcaŭ na kvadracykłach, što prybyŭ z Hrodna. Heta technika dazvalaje apieratyŭna praviarać ciažkadastupnyja miescy.
Usie hrupy mietadyčna, mietr za mietram, pračesvajuć miascovaść u nadziei vyjavić lubyja začepki i ślady źnikłaha padletka.
Milicyja razhladaje niekalki viersij:
- padletak moh stać achviaraj vykradańnia,
- moh trapić u darožna-transpartnaje zdareńnie,
- moh zabłukać i nie moža paviedamić pra siabie.
Pa stanie na ranicu 12 listapada abśledavana 2925 ha terytoryi, 69 nasielenych punktaŭ i bolš za 10 km raki.
Učora adzin z vałancioraŭ vykazaŭ dumku, što mahčyma jakaja-niebudź babula, jakaja nie karystajecca internietam i nie bačyć infarmacyi i abviestak pra pošuk, prytuliła chłopčyka.
Maksim źnik u subotu, 8 listapada ŭ vioscy Karbaŭskaje, kudy pryjechaŭ z baćkami na vialikija vychodnyja. Mama i dziadula ŭ subotu pajechali na poštu, a kali viarnulisia, to pabačyli, što chłopčyk prapaŭ z rovaram, pajechaŭšy ź vioski. Situacyja ŭskładniajecca tym, što dzicia maje aŭtyzm, składana idzie na kantakt i možna nie reahavać na kryki ratavalnikaŭ i vałancioraŭ.
U pošukach udzielničaje da 800 čałaviek.
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać5
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary