Ukrainski deputat: Źviaržeńnie režymu ŭ Biełarusi — najlepšaja dapamoha dla Ukrainy. Ale aŭtarytarnyja režymy znosiacca tolki kryvioj, a nie łozunhami
Na Forumie Astrožskich u Kijevie razharełasia dyskusija pra Biełaruś.
Va Ukrainie z 11 pa 15 listapada prachodzić Forum Astrožskich. Adna z dyskusij u Kijevie była pryśviečana biaśpiecy ŭ rehijonie. Padčas jaje razharełasia haračaja sprečka pra rolu Biełarusi.
Deputat Viarchoŭnaj rady Ukrainy (ad partyi «Słuha naroda») Aleh Dunda vykazaŭ svajo mierkavańnie, čym Biełaruś moža dapamahčy Ukrainie.
«Kali vy dapamahajecie sabie i zmahajeciesia za ŭładu, za źviaržeńnie režymu ŭ Biełarusi — heta najlepšaja dapamoha dla Ukrainy. Usio astatniaje nie maje značeńnia, zusim. Čamu ja tak kažu? Bo Biełaruś, jakaja farmalna źjaŭlajecca niezaležnaj dziaržavaj, pa fakcie daŭno straciła hetyja prykmiety. Jana de-fakta źjaŭlajecca častkaj Rasijskaj impieryi, hetaksama jak Čačnia, Inhušecija, usio astatniaje. Ja nie razhladaju Biełaruś, Minsk, jak asobnuju dziaržaŭnuju adzinku — heta jość praciah ruki Maskvy. Nie moža dazvolić sabie Minsk hulać ci prasoŭvać niejkuju historyju z tymi ž Złučanymi Štatami biez uzhadnieńnia z Maskvoj».
Jon adznačyŭ, što Biełaruś nadzvyčaj važnaja dla biaśpieki rehijona, tamu biełarusam treba advajoŭvać svaju niezaležnaść. Ale heta, na dumku Dundy, nie zrobiš dypłamatyčnym šlacham.
«Kali ty znachodzišsia ŭ aŭtarytarnym režymie, za aŭtarytarnaj uładaj, nie isnuje baraćby łozunhami, ulotkami i pramovami pra ŭsio dobraje suprać usiaho drennaha. Aŭtarytarnyja režymy znosiacca tolki kryvioj, inšych varyjantaŭ nie isnuje. Prykładaŭ niama naohuł. Taja ž Siryja. Ujavicie sabie, što jakimści čynam Bašar Asad kaža: «My pravodzim vybary, ja dapuskaju apazicyju, ja hatovy syści». Nu heta ŭjavić sabie niemahčyma. Ułada biarecca kryvioj. I tut pytańnie da tych, chto ŭznačalvaje apazicyju, ci hatovyja jany da hetaha, ci nie. Kali jany nie hatovyja, nu jakuju jany mohuć dapamohu dać Ukrainie?»
U adkaz daradca Cichanoŭskaj Franak Viačorka zaŭvažyŭ, što raić biełarusam brać u ruki zbroju, nie razumiejučy situacyju ŭnutry krainy, prosta.
«Ludzi ŭ 2020 hodzie vybrali toj šlach supracivu, na jaki byli hatovyja, na jaki byli mahčymaści. (…) Ni Ukraina, ni Polšča, ni Litva, nichto nie dazvolić farmavać vajskovyja adzinki, jakija b pretendavali na ŭładu ŭ Biełarusi. Heta niemahčyma. I siońnia kazali na pieršaj paneli, što Ukrainie nie cikava adkryvać paŭnočny front. Tamu hetyja razmovy pra padrychtoŭku vajskovaha źviaržeńnia z terytoryi Ukrainy — Ukraina budzie pieršaja, chto zabłakuje hetyja razmovy».
Franak Viačorka. Ilustracyjnaje fota: LookByMedia
Viačorka adznačyŭ, što Polšča i Litva ŭ pieršuju čarhu dumajuć pra svaju biaśpieku i tamu hetaha nie dazvolać.
«Tamu my pavinny pracavać u miežach tych resursaŭ i mahčymaściaŭ, jakija ŭ nas jość ciapier. U nas niama mahčymaści vuličnaha supracivu. Jość mahčymaść niejkaha padpolla, utrymańnia ŭvahi, utrymańnia moładzi ŭ miežach jeŭrapiejskich kaštoŭnaściaŭ, nie dać Biełarusi skacicca ŭ «ruski śviet», umacoŭvać identyčnaść. Heta toje, što my možam rabić, i hetym my maksimalna karystajemsia. Padtrymka Ukrainy dla nas uzajemaźviazana z padtrymkaj biełaruskaha zmahańnia. Tamu što heta toje, što daje biełarusam zrazumieć siabie častkaju hetaha zmahańnia, častkaju rehijanalnaha kantekstu, što my nie adny».
Były pasoł Ukrainy ŭ Biełarusi Ihar Kizim nie zhadziŭsia z Dundam — jon ličyć, što navat nievialikaja humanitarnaja dapamoha biełarusaŭ Ukrainie važnaja.
«Navat kali biełaruskaja dyjaspara dała zbroju, ci navat nie zbroju, a amunicyju, adnamu vajaru, jaki siońnia vajuje na froncie, heta ŭžo dobra. I mienavita z takich dapamoh — maleńkich, značnych, vialikich — sfarmiravałasia taja siła, jakaja ciapier u nas na froncie jość».
Dźmitryj Ščyhielski padtrymaŭ Dundu.
«Kali my kažam, što my demakratyčnyja siły i my apanujem Łukašenku, to heta pytańnie baraćby za ŭładu, lubymi srodkami, uklučajučy srodki hvałtoŭnyja, kinietyčnyja i hetak dalej, abo tady my nie demakratyčnyja siły, a ŭ lepšym vypadku niejkaja kupka NDAšnikaŭ, jakaja zajmajecca humanitarnymi pytańniami».
Vierahodnaść znosu takaho palityčnaha režymu, jak u Biełarusi i Rasii, niehvałtoŭnymi mietadami roŭnaja nulu, ličyć Ščyhielski.
«Kali my nie samavyznačymsia, kali my nie zrobim voś hetuju siłu, jakaja sapraŭdy zmahajecca za ŭładu, praz hod, na nastupnaj kanfierencyi Astrožskich, budzie siadzieć jaki-niebudź Hihin i chto-niebudź z umieranych našych analitykaŭ. A praz dva hady, kali nie źjavicca palityčnaj siły, jakaja prajavić funkcyjanał, (…) tut buduć siadzieć pradstaŭniki aficyjnaha biełaruskaha režymu. Łukašenkaŭskaha. Tamu što Ukrainie pryjdziecca ŭsio roŭna vyrašać pytańni biaśpieki, handlu».
Aleh Dunda paźniej rastłumačyŭ bolej svaju pazicyju.
«Ja skažu niešta niečakanaje dla vas. Dla taho, kab Maskva kapitulavała raniej, nam patrebnyja vy. Nie humanitarnaja dapamoha. Nam patrebnyja vy, biełarusy. Ad vas heta zaležyć. Voś paviercie, bolšaj dapamohi, čym vy, z punktu hledžańnia chutčejšaha zaviaršeńnia vajny nichto nam nie daść. Ni Štaty, ni Francyja, nichto. Vy.
Nam patrebnyja čačency, nam patrebnyja narody Dahiestana, Inhušecii, Buracii i hetak dalej. Za košt vašych aktyŭnych dziejańniaŭ, u pryncypie, heta možna realizavać. I kali kažuć pra toje, što Maskva vielmi mahutnaja, ja zaŭsiody zhadvaju pachod Pryhožyna. Jana krochkaja ŭnutry. I prosta ŭnutry nichto nie praviaraŭ».
Dunda źviarnuŭsia da biełarusaŭ na dyskusii z prośbaj nie ŭsprymać jaho słovy za krytyku.
«Ja vas, naadvarot, sprabuju padšturchnuć. Abniać, aharnuć. Dzieści dziŭnym čynam, ja pahadžajusia, ale ŭsio roŭna, bo z vami nam lahčej».
Što ludzi kažuć ab prajeździe praz «Bruzhi» i «Bierastavicu» i čamu ŭ apošniaj stajać pa 12 hadzin6
Što ludzi kažuć ab prajeździe praz «Bruzhi» i «Bierastavicu» i čamu ŭ apošniaj stajać pa 12 hadzin
«Naiŭna spadziavalisia zarablać u Jeŭropach, pryjazdžać dadomu lačyć zuby na chalavu i zdavać kvateru». Prapahanda pačała apraŭdvać darahija žyroŭki dla «darmajedaŭ»1919
Kamientary