Pavodle prahnozaŭ sinoptykaŭ u hetyja vychodnyja na bolšaj častcy terytoryi krainy čakajecca rezkaje paharšeńnie ŭmovaŭ nadvorja. Zamarazki, mokry śnieh z daždžom i hałalodzica patrabujuć ad kiroŭcaŭ strohaha vykanańnia PDR, asablivych navykaŭ i starannaj padrychtoŭki aŭtamabila, paviedamlaje pres-słužba MUS.
Da 1 śniežnia kiroŭcy abaviazany vykanać siezonnuju zamienu šyn. Adnak užo ciapier, kali vy nie paśpieli zamianić pakryški na zimovyja, rekamiendujecca ŭstrymacca ad pajezdak u składanych pahodnych umovach.
DAI zaklikaje pry apadkach i hałalodzicy źnižać chutkaść, pavialičvać dystancyju, być pradkazalnymi. Z asablivaj aściarožnaściu prajazdžać piešachodnyja pierachody, zakruhleńni darohi, krutyja padjomy i spuski, pradzimanyja ŭčastki miascovaści. Usie ŭ aŭtamabili pavinny być pryšpilenyja ramianiami biaśpieki, a dzieci pieravozicca ŭ śpiecyjalnych utrymlivalnych pryładach.
Piešachodam nieabchodna ŭličvać, što na ślizkaj darozie ŭ razy pavialičvajecca tarmazny šlach luboha transpartnaha srodku. Tamu navat u dazvolenych miescach pierad pierasiačeńniem prajeznaj častki pierakanajciesia, što aŭtamabili paśpieli spynicca. «Abaznačajcie siabie śviatłoadbivalnymi elemientami. Nie vykarystoŭvajcie navušniki, kab čuć transpart, što nabližajecca», — zaklikajuć u DAI.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary