Mierkavańniem staršynia Savieta Respubliki padzialiłasia na pasiadžeńni vykankama «Ab realizacyi dziaržaŭnaj moładzievaj palityki ŭ Minsku», piša BiełTA
«Sučasnamu hramadstvu, i pierš za ŭsio, moładzi, nie chapaje čałaviečaj kamunikacyi. I my razumiejem, što tut nie pavinna być farmalizmu. Heta toje, čaho nie prymaje moładź. Kali vy na luboj sustrečy, mierapryjemstvie adnosiciesia da pracesu farmalna, dziela hałački jaho praviali, dyj jašče i padklučyli administracyjny resurs i pryciahnuli tudy moładź — heta ŭ ich budzie vyklikać tolki admaŭleńnie, — adznačyła Natalla Kačanava.
— Moładź — heta samaja ŭdziačnaja aŭdytoryja. Jany sapraŭdy zadajuć tyja pytańni, jakija ich chvalujuć. Byvaje tak, što jany prosta nie razumiejuć taho, pra što pračytali ŭ tym ža internecie. I voś tut treba znajści čas, pasprabavać sustrecca i pahavaryć, i danieści da hetaha maładoha čałavieka praŭdzivuju infarmacyju. Moładź vielmi čujna reahuje na chłuśniu. Jany zaŭsiody ź vialikaj radaściu adhukajucca na adkrytaść čałavieka pierad imi. Moładź pojdzie ŭ tyja hramadskija abjadnańni i arhanizacyi, dzie budzie adčuvać niefarmalny padychod i ščyruju zacikaŭlenaść».
Pavodle słoŭ Natalli Kačanavaj, rabota z moładździu pavinna pravodzicca na pastajannaj asnovie, nie ad vypadku da vypadku i mierapryjemstva. «Nie zaležna ad taho, kolki ŭ nas času, my pavinny sustrecca chaj i ź nievialikaj hrupaj maładzionaŭ, i danieści im usio toje, čym siońnia žyvie naša kraina, jakija ŭ nas dasiahnieńni, što my robim. A taksama daviedacca ŭ ich — jakija jość pytańni, prablemy, pačuć ad moładzi, što ich chvaluje. Heta štodzionnaja rabota luboha kiraŭnika. Kiraŭnik arhanizacyi abo navučalnaj ustanovy sam pavinien zajmacca hetymi pytańniami, kab nie nazirać potym niepryjemnyja situacyi, — dadała Natalla Kačanava. — Važnyja asabistyja znosiny. My pavinny pryjści ŭ moładzievuju aŭdytoryju i pahavaryć ź imi. Rastłumačyć, što robicca dla zachavańnia miru i spakoju, dla taho, kab zabiaśpiečyć takoje dobraje žyćcio. Tamu tut nielha farmalna».
«Hetyja ludzi siońnia, naša moładź, padzialajuć tuju palityku, jakaja pravodzicca ŭ našaj krainie. A kali vy adčuli, što jość niejkaja prablema, tady treba dajści absalutna da kožnaha i razabracca», — dadała Natalla Kačanava.
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary