U prodažy na Kamaroŭskim rynku ŭ Minsku źjavilisia pieršyja padarunkavyja nabory sałodkich prysmakaŭ ad biełaruskich i zamiežnych vytvorcaŭ. Usie navinki i ceny pakazali ŭ Instagram, piša Blizko.by.
Staličnaja «Kamunarka» dapoŭniła svoj asartymient na rynku kuferkam sa słodyčami koštam 113,08 rubla, miakkimi cackami ŭ vyhladzie Dzieda Maroza (88,59 rubla), kania (92,48 rubla) i kapibary (69,39 rubla) z cukierkami ŭnutry, padarunkavymi naborami ŭ vialikich i maleńkich skrynačkach za 83,49 i 6,53 rubla adpaviedna, a taksama aksamitnymi miašočkami za 37,18 rubla i zvykłymi cukierkavymi padarunkami ŭ kardonnych kuferkach za 11,70, 33,39 i 52,58 rubla ŭ zaležnaści ad pamieru.
Homielski «Spartak» pryvioz na «Kamaroŭku» niekalki cukierkavych naboraŭ u kardonnych kuferkach koštam ad 5,86 da 38,48 rubla, plušavych koniej (91,96 rubla) i tubusy sa słodčami ŭnutry, a taksama kruhłyja blašanyja skrynački ź imbirnym piečyvam i dva padarunkavyja nabory šakaładnych cukierak.
Ajčynny «Słodyč» dapoŭniŭ asartymient śviatočnym naboram piečyva z tryma načynkami — z žuravinami, šakaładam i arachisam (12,23 rubla).
Navinkami abzaviałasia i šviejcarskaja Milka. Amatary šakaładu zmohuć nabyć padarunkavyja kuferki z cukierkami i miakkimi cackami ŭ vyhladzie Dzieda Maroza, alenia abo miadźviedzia za 55 rubloŭ, a taksama kaladnyja škarpetki z sałodkaj načynkaj za 69 z pałovaj rubloŭ.
Kinder u navahodnim afarmleńni možna kupić u vyhladzie śviatočnaj škarpetki z šakaładam za 60 rubloŭ abo kardonnaha kuferka ŭ vyhladzie miadźviedzia z cukierkami za 40 rubloŭ.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary