Papa Leŭ XIV adpraviŭsia ŭ pieršaje zamiežnaje padarožža ŭ maleńki haradok u Turcyi
Leŭ XIV pačaŭ svajo pieršaje padarožža, u miežach jakoha naviedaje dźvie krainy: Turcyju i Livan.
Ranicaj 27 listapada jon vylecieŭ z rymskaha aeraporta «Fjumičyna» ŭ kirunku Ankary, paviedamluć «Vatykanskija naviny».
Papskaje padarožža ŭ Turcyju projdzie z 27 pa 30 listapada. Vizit prymierkavany da 1700‑hodździa Nikiejskaha Sabora — pieršaj vialikaj ekumieničnaj padziei ŭ historyi chryścijanstva. Jaho kulminacyjnym momantam stanie naviedvańnie horada Iźnik, staražytnaj Nikiei, dzie kala miesca archieałahičnych raskopak staražytnaj baziliki śviatoha Nieafita pantyfik voźmie ŭdzieł u ekumieničnaj malitoŭnaj sustrečy z patryjarcham Kanstancinopalskim Varfałamiejem I, pradstajacielami i pradstaŭnikami inšych chryścijanskich cerkvaŭ.
Vizit Lva XIV u Livan adbudziecca z 30 listapada pa 2 śniežnia 2025 hoda pad devizam «Ščaślivyja miratvorcy». Papa sustreniecca z uładami, duchavienstvam, viernikami i naviedaje Maryjny sanktuaryj u Charysie, katalicki špital, a taksama pamolicca na miescy vybuchu amijačnaj saletry ŭ porcie Biejruta ŭ žniŭni 2020 hoda, u vyniku jakoha zahinuli 210 čałaviek, šeść tysiač atrymali ranieńni, byli razburanyja niekalki sotniaŭ budynkaŭ, 300 tysiač čałaviek zastalisia biez dachu nad hałavoj.
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii15
Kamientary