Stali viadomyja imiony jašče piaci ŭkraincaŭ, vyzvalenych 22 listapada
22 listapada byŭ pamiłavany 31 hramadzianin Ukrainy. Jak viadoma pravaabaroncam «Viasny», siarod ich tolki dziesiać zatrymanych i asudžanych pavodle palityčnych matyvaŭ.
Raniej paviedamlałasia pra vyzvaleńnie piaci palitźniavolenych: 18-hadovaj Maryi Misiuk, asudžanaj da 13 hadoŭ kałonii; Michaiła Stalarčuka, asudžanaha za «ahienturnuju dziejnaść» da šaści hadoŭ źniavoleńnia; Lidzii Hruk, zatrymanaj i asudžanaj razam z mužam, jaki zastaŭsia za kratami ŭ Biełarusi; Alaksandra Katoviča, asudžanaha za kamientary da piaci hadoŭ kałonii; Anastasiju Kaščynu, asudžanuju pa «spravie Hajuna».
Ciapier pravaabaroncam stała viadoma, što taksama byli vyzvalenyja 22 listapada jašče piać hramadzian Ukrainy, zatrymanych u Biełarusi pavodle palityčnych matyvaŭ: Siarhiej Kuźmič, Alaksandr Kryvič, Nadzieja Nikałajuk, Kaśjan Kulikoŭski, Śviatłana Mironava.
«Viaśnie» raniej było viadoma tolki pra palityčny pieraśled Nadziei Nikałajuk.
Nadzieja znachodziłasia ŭ izalatary na Akreścina ŭ departacyjnaj kamiery na praciahu 57 dzion — užo tady ŭ žančyny była treciaja stadyja ankałohii. Nadzieju abvinavačvali ŭ ahienturnaj dziejnaści i pieradačy źviestak va Ukrainu. Da zatrymańnia jana pracavała ŭ «Bieraściejskim piekary». Na praciahu 20 hadoŭ jana žyła ŭ Biełarusi ź vidam na žycharstva.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja za Stolinskaha rajona, jaki paśla vyzvaleńnia z kałonii zabiŭ troch čałaviek
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja za Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary