Hienieralny dyrektar The Coca-Cola Company Džejms Kuinsi sydzie ŭ adstaŭku. Pra heta paviedamlajecca na sajcie kampanii.
Naprykancy sakavika 2026 hoda jaho źmienić apieracyjny dyrektar kampanii Enrykie Braun. Rada dyrektaraŭ płanuje aficyjna zaćvierdzić jaho kandydaturu na štohadovym schodzie akcyjanieraŭ u 2026 hodzie. Viadoma, što jamu 57 hadoŭ i ŭ Coca-Cola jon pracuje z 1996 hoda.
Sam Kuinsi zastaniecca pracavać u kampanii i piarojdzie na pasadu vykanaŭčaha staršyni rady dyrektaraŭ. Kuinsi pracuje ŭ Coca-Cola z 1996 hoda. Jon zajmaŭ kiraŭničyja pasady ŭ padraździaleńniach kampanii ŭ Azii, Łacinskaj Amierycy i inšych rehijonach.
Kuinsi staŭ hienieralnym dyrektaram kampanii ŭ traŭni 2017 hoda. Jak piša Bloomberg, jon dapamoh Coca-Cola vyjści z šmathadovaha spadu prodažaŭ, i pad jahonym kiraŭnictvam akcyi kampanii padaraželi bolš jak na 60%, u toj čas jak indeks S&P 500 za hety ž pieryjad vyras amal na 190%.
Akramia taho, dziakujučy jamu kampanija praviała dyviersifikacyju asartymientu i vyjšła za ramki hazavanych napojaŭ. Naprykład, Coca-Cola pačała pradavać pradukty, aryjentavanyja na ludziej, jakija kłapociacca pra svajo zdaroŭje, a taksama ŭ 2018 hodzie nabyła kavavy brend Costa za $5,1 młrd.
Admietna, što paśla abviaščeńnia ab źmienie hienieralnaha dyrektara kaciroŭki akcyj The Coca-Cola Company praktyčna nie źmianilisia.
Bližejšym časam buduć vyzvaleny bolš za 150 palitźniavolenych39
Kamientary