Zahinuŭ Vins Zampieła — raspracoŭščyk videahulniaŭ Call of Duty i Battlefield 6
Raspracoŭnik videahulniaŭ Vins Zampieła, studyi jakoha stvaryli niekalki samych pradavanych hulniaŭ u śviecie, zahinuŭ udzień u niadzielu ŭ vyniku avaryi na Ferrari na šašy Andželes-Krest u Paŭdniovaj Kalifornii, piša NBC4.
Avaryja adbyłasia kala 12:45 na malaŭničaj darozie na poŭnač ad Łos-Andželesa, u harach San-Habryel. Pavodle źviestak Kalifarnijskaj darožnaj palicyi (CHP), Ferrari źjechała z darohi adrazu paśla vyjezdu z tunelu, reznułasia ŭ bietonnuju aharodžu, i adzin z pasažyraŭ byŭ vykinuty z aŭtamabila.
Kiroŭca, Zampieła, byŭ zabłakavany ŭ aŭtamabili, jaki zahareŭsia paśla ŭdaru. Jon zahinuŭ na miescy, a pasažyr pamior u lakarni.
Padrabiaznaści taho, što pryviało da avaryi na źvilistaj lasnoj darozie, pakul taksama nieviadomyja.
Zampieła, jakomu było 55 hadoŭ, staŭ suzasnavalnikam Respawn Entertainment. U 2017 hodzie studyja była nabyta hihantam videahulniovaj industryi EA. Respawn Entertainment najbolš viadomaja hulniami «Titanfall», «Titanfall 2», «Apex Legends» i «STAR WARS Jedi: Fallen Order».
«Jon sapraŭdy ŭmieŭ stvarać historyi rečy, jakija zakranajuć samuju sutnaść čałaviečych pačućciaŭ — niachaj heta strach, tryvoha ci hieraizm», — skazaŭ videahulniovy krytyk Washington Post Džyn Park, jaki byŭ znajomy z Zampiełam. — «Dumaju, jamu ŭdavałasia ŭvasobić heta praz dyzajn videahulniaŭ, jakija jon stvaraŭ.
Jon byŭ vielmi, vielmi ścipłym čałaviekam. Jon dobra ŭśviedamlaŭ upłyŭ, jaki mieŭ na ludziej, i nikoli nie ŭsprymaŭ heta jak naležnaje».
Zampieła taksama kiravaŭ kamandaj studyi EA ŭ Płaja-Vista, jakaja pracavała nad franšyzaj videahulniaŭ Battlefield.
U zajavie EA nazvała ŭpłyŭ Zampieły na śviet videahulniaŭ «hłybokim i dalokasiažnym».
«Heta niejmaviernaja strata, i našy sercy ź siamjoj Vinsa, jaho blizkimi i ŭsimi, kaho zakranuła jaho praca», — havorycca ŭ zajavie EA. — «Upłyŭ Vinsa na industryju videahulniaŭ byŭ hłybokim i šyrokim. Siabra, kaleha, lidar i vizijanier-stvaralnik, jahonaja praca dapamahła sfarmavać sučasnyja interaktyŭnyja zabavy i natchniła miljony hulcoŭ i raspracoŭnikaŭ va ŭsim śviecie. Jaho spadčyna budzie i nadalej vyznačać toje, jak stvarajucca hulni i jak hulcy ŭzajemadziejničajuć ź imi na praciahu mnohich pakaleńniaŭ».
-
Bienhalskija ahni na šampanskim stali pryčynaj pažaru ŭ bary ŭ Šviejcaryi, dzie zahinuli 40 čałaviek
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Kamientary
źniešnie - dobryja
vvalił v skału na połnom chodu.
Kakije to tik tokiery eto vsie śnimali.
Chotieł chajpanuť i tut nieždančik s kosoj.
RIP ,pacany!