Ci abaviazanyja puścić u aŭtobus ci maršrutku z łyžami i sankami?
Časam dobryja łakacyi dla zimovaha adpačynku znachodziacca dalekavata ad doma i dabracca tudy možna na mašynie abo na aŭtobusie ci maršrutcy. Jak pravilna pravozić zimovy invientar na hramadskim transparcie, raskazali pradstaŭniki servisu pa prodažy kvitkoŭ «Atłas Bas», piša Office Life.
Pieravozka bahažu rehłamientavanaja Praviłami aŭtamabilnych pieravozak pasažyraŭ. U ich prapisana, što pasažyr maje prava: biaspłatna pravozić adno miesca małamiernaj ručnoj pakłažy, a taksama łyžy, kluški, vudy, pamiery jakich u sumie vynikaŭ vymiareńniaŭ pa daŭžyni, šyryni i vyšyni nie pieravyšajuć 200 santymietraŭ. Pry hetym lepš spakavać invientar u čachoł.
Ci puściać u aŭtobus z sankami? Tak, pa praviłach pasažyr moža biaspłatna pravozić z saboj i dziciačyja sanki, udakładnili pradstaŭniki servisu.
«Pra papularnyja ciapier «vatruški-ciubinhi» u praviłach nie skazana, ale, chutčej za ŭsio, ich lepš pierad pajezdkaj sadźmuć. Adznačym, što ŭziać nabor invientara adrazu dla ŭsich zimovych zabaŭ nie atrymajecca: varta vybrać niešta adno», — dadali ŭ «Atłas Bas».
Bahaž u sałonie abo śpiecyjalnym adsieku raźmiaščajecca ŭ adpaviednaści ź instrukcyjami kiroŭcy.
Ciapier čytajuć
Jak vyhladajuć kvatery z sacyjalnym ramontam dla čarhavikoŭ i kolki za ich prosiać2
Kamientary