Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
Byłaja madel i śpiavačka Volha Hałyhina vyrašyła sumiaścić śviatkavańnie sarakahodździa z hiendar paci.
Volha Hałyhina (u dziavoctvie Vajniłovič) — heta druhaja žonka biełaruskaha šoŭmiena Vadzima Hałyhina. Raniej jana była madellu i sprabavała śpiavać u hurcie «Toples».
Niahledziačy na toje, što Vadzim šmat pracuje ŭ Rasii, siamja davoli časta byvaje i ŭ Minsku. Niadaŭna Volzie spoŭniłasia 40 hadoŭ — adśviatkavać kruhłuju datu vyrašyli ŭ restaranie «Dubrov'», jaki znachodzicca na bierazie Dubroŭskaha vadaschovišča pad Minskam.
Praŭda, temu imianińnica abrała davoli śpiecyfičnuju — «ruskaja dziavica». Na śviatočnym baniery možna pabačyć fota Volhi ŭ vialikim kakošniku i nadpis na ruskaj movie: «Skaz ab dziavicy Volzie 40 hadoŭ ad rodu».
Dziela dekoru vykarystoŭvali biełyja paneli (adsyłka da cieramoŭ) i hirlandy z čyrvonych šaroŭ, jakija nahadvali karali. Nu i matrošak nastavili — kudy ž bieź ich na takoj viečarynie.
Sama ž Volha apranuła čornuju aksamitnuju mini-sukienku z hłybokim dekalte, dadała kakošnik i masiŭnyja karali. Vadzim abraŭ vobraz zazyvały z kirmašu, jaki sklikaje publiku ŭ bałahan. Jon źjaviŭsia na mierapryjemstvie ŭ čornym kaściumie z kantrasnym čyrvonym halštukam dy ŭ kartuzie z kvietkaj.
Niechta z haściej padtrymaŭ tematyku śviata i pryjšoŭ z chustkaj na plačach ci ŭ kašuli ŭ psieŭdaruskim styli. Ale vidavočna, što nie ŭsie biełaruskija słavutaści zachacieli vyhladać a la russe.
Błohierka Śviatłana Hleb, naprykład, nadzieła čyrvonyja štany i futravuju kamizelku svajho ž brenda. Jaje muž, adzin z najlepšych futbalistaŭ u historyi Biełarusi Alaksandr Hleb, uvohule pryjšoŭ u zvyčajnym kłasičnym kaściumie.
Śpiavać dla haściej zaprasili Sašu Niema — choć jon apošnim časam rehularna pryznajecca ŭ lubovi da Łukašenki, usio roŭna zastajecca apalnym śpievakom.
Navat tort dla Volhi zrabili ŭ vyhladzie vializarnaj matroški.
A ŭ jakaści padarunka ad muža jana atrymała novuju mašynu — luksavy ŭsiedarožnik Range Rover.
Darečy, haściej śviata taksama čakaŭ siurpryz. Siamja Hałyhinych vyrašyła pravieści na dni naradžeńnia hiendar paci, bo Volha ciapier znoŭ rychtujecca stać maci. Ale pra poł budučaha dziciaci pakul šyrokaj aŭdytoryi nie paviedamili.
Nahadajem: letaś Vadzim i Volha adśviatkavali 15‑hadoŭ supolnaha žyćcia. Z hetaj nahody jany zrabili jašče adno viasielle — na Maldyvach. U Hałyhinych užo jość dva syny — Vadzim i Ivan.
A letaś Vadzim paśpieŭ stać jašče i dziadulem — jahonaja dačka ad pieršaha šlubu Taisija naradziła syna.
«Samaje prykolnaje — heta kali ty biareš na ruki niemaŭla, i heta nibyta tvajo, ale nie tvajo. Takaja adkaznaść, hipieradkaznaść», — raskazaŭ Hałyhin na šou Paŭła Voli.
Čytajcie taksama:Hałyhina prymusili apraŭdvacca za zvarot da siłavikoŭ u 2020-m
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary