«NA KUBU BOLŠ NIE BUDZIE PASTUPAĆ NI NAFTY, NI HROŠAJ — NUL!»
Prezident ZŠA Donald Tramp znoŭ źviarnuŭ svaju ŭvahu na Kubu.
«Ciaham mnohich hadoŭ Kuba žyła na vialikija abjomy nafty i hrošaj ź Vieniesueły. U svaju čarhu, Kuba akazvała «pasłuhi biaśpieki» dvum apošnim vieniesuelskim dyktataram, ale bolš hetaha nie budzie!» — napisaŭ Tramp u svajoj sacsietcy.
«Vieniesuełu ciapier abaraniajuć Złučanyja Štaty Amieryki, jakija vałodajuć samymi mahutnymi ŭzbrojenymi siłami ŭ śviecie (na siońniašni dzień!), i my budziem abaraniać ich. NA KUBU BOLŠ NIE BUDZIE PASTUPAĆ NI NAFTY, NI HROŠAJ — NUL! Ja nastojliva rekamienduju im zaklučyć ździełku, PAKUL NIE STAŁA ZANADTA POZNA», — dadaŭ Tramp.
Kuba šmat hadoŭ atrymlivała naftu ź Vieniesueły (i mieniej — ź Mieksiki). A kubincy ŭvachodzili ŭ skład asabistaj achovy Nikałasa Madura. Padčas amierykanskaj apieracyi zachopu Madura byli zabityja 32 kubincy.
Prezident Kuby Mihiel Dyjas-Kaniel adreahavaŭ na słovy Trampa. «Kuba — svabodnaja, niezaležnaja i suvierennaja kraina. Nichto nie dyktuje nam, što rabić», — napisaŭ jon u X. «Tyja, chto pieratvaraje ŭsio ŭ biznes, navat čałaviečyja žyćci, nie majuć prava ŭkazvać Kubie na što-niebudź, absalutna ni na što».
Pra kankretnyja płany nakont Kuby Tramp pakul nie kazaŭ. Cikava, što ciapierašni dziaržsakratar ZŠA Marka Rubia — syn kubinskich mihrantaŭ.
Tramp pra Kubu: Ja nie dumaju, što možna bolš nacisnuć na Kubu, čym prosta ŭvarvacca da ich i raźnieści tam usio
Kuba daŭno nie žyła dobra. Pry hetym jaje ekanamičnaja madel i demahrafičnaje padzieńnie mocna nahadvaje łukašenkaŭskuju. Joj kaniec?
Tramp pryhraziŭ Kubie i Kałumbii
Zachop Madura razburyŭ mif pra niepieramožnaść kubinskaj raźviedki
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary
Paraju Trampu, što staŭ bačyć siabie mačo-pikču paśla kumiedyi z Madura i jaho bandyckim namieśnikam, što lepš viarnucca da taryfaŭ 100500%, a nie zajmacca vajnoj, vajna heta kłapotnaje działka, i nievykaznaje działka, chaj spytaje ŭ Kieniedzi, a taryfy heta biaśpiečna i vielmi pa piensijaniersku - pahražać unukam pazbaŭleńniem spadčyny za svavolstvy i šašni z aficyjantkami.
A jany inšyja, čym niekali. Kuba visieła na šyi našych dziedaŭ, jakija na jaje ŭtrymannie išačyli, potym estafietu padchapiŭ Čaves... I voś, kuźkina maci zdzmułasia, cycka sčezła.
Ciapier Tramp daść rady, usio, što kinuli tam amierykanskija aliharchi, budzie im paviernuta, a Kuba pieraŭtvorycca ŭ rajski kutok dla zvyšzamožnych z usiaho śvietu. Dubai i Sinhapur, Hankonh i Makaa u hłybokim smutku...:))
Całkam Padtrymlivaju namahańnia, luboŭ ZŠA ŭ dačynieńnia da Irana, Kuby, V., i majoj lubaj Biełarusi (VKŁ) !