Stała viadoma, u jakich žachlivych umovach trymajuć u źniavoleńni psichijatra Ihara Pastnova
«Jon pastaviŭ rekord pa znachodžańni ŭ ŠIZA — 150 sutak zapar», — raskazaŭ jaho były susied Ihar Łosik.
«Vypadkova nabryŭ u internecie na artykuły pra psichijatra Ihara Pastnova, jakoha adpraŭlali adnojčy ŭ psichijatryčnuju balnicu za krytyku biełaruskich uładaŭ.
I ŭspomniŭ, što hety psichijatr siadzieŭ u adzin čas sa mnoj u Navapołacku. Jon, napeŭna, pastaviŭ rekord pa znachodžańni ŭ ŠIZA, adbyŭšy tam u 2023 hodzie 150 sutak zapar i admoviŭšysia vychodzić adtul na atrad.
Nie viedaju jaho artykuł, ale jon znachodzicca ŭ «nizkim statusie» i siadzieŭ usie hetyja 150 sutak u adnoj 12‑j kamiery ŠIZA. Jon uvieś čas pisaŭ skarhi na administracyju ŭ prakuraturu, skardziŭsia na katavańni choładam, na advolnyja pakarańni. Skarhi, naturalna, nikudy nie išli. U adkaz jaho tolki pastajanna karali, ale sprava dajšła da taho, što ŭ vyniku nie viedali, što ź im rabić, tamu što jon admaŭlaŭsia ŭžo vychodzić z ŠIZA na atrad i ŭsimi praŭdami i niapraŭdami jaho siak-tak prymusili heta zrabić.
Ja dumaju, takoje staŭleńnie i niečałaviečyja ŭmovy sa ździekavańniami vielmi mocna paŭpłyvali na jaho psichičny stan, tamu što jon u vyniku dajšoŭ da taho, što ad hoładu navat nie hrebavaŭ šukać u śmietnicy ježu kala stałovaj.
Na kožnaj praviercy jon papiaredžvaŭ administracyju pra adkaznaść za katavańni, na što ŭ adkaz ź jaho tolki ździekavalisia, dniavalny ŠIZA palivaŭ jaho chłorkaj, u jaho zabirali tualetnuju papieru, adklučali vadu, marozili ŭsimi sposabami. Tak robiać tam sa mnohimi», — piša Ihar Łosik.
Viciebski doktar-psichijatr Ihar Pastnoŭ staŭ viadomy ŭ 2010‑ch hadach, kali staŭ publična krytykavać čynoŭnikaŭ vysokaha ranhu i ŭsiu zbudavanuju imi sistemu, za što atrymaŭ imidž «doktara-praŭdaruba». Jaho vystupleńni zvyčajna byli emacyjnyja i ekscentryčnyja, za što doktara siarod inšaha adpraŭlali na prymusovaje lačeńnie ŭ psichijatryčnaj balnicy. Jon udzielničaŭ u niekalkich palityčnych kampanijach u źviazcy ź inšym viciebskim dziejačam ź imidžam dzivaka Siarhiejem Ryžovym. Siarhieja Ryžova ŭ 2015 hodzie asudzili na 6,5 hadoŭ turmy pa kryminalnym niepalityčnym abvinavačańni.
Pastnova ž u 2019 hodzie asudzili na try hady «chimii» za nibyta paklop na prakurora, paśla čaho jon źnik z sacsietak, u jakich raniej byŭ vielmi aktyŭny. Paśla taho pra jahony los nie było ničoha viadoma.
Viciebskaha psichijatra-praŭdaruba Pastnova asudzili na try hady «chimii» — za paklop na prakurora
Udzielnik prezidenckaj kampanii 2010 hoda Siarhiej Ryžoŭ asudžany ŭ Viciebsku na 6,5 hadoŭ kałonii
Viciebskamu doktaru Pastnovu źmianili ŭtrymańnie ŭ psichbalnicy na dzionny stacyjanar
Viciebskaha miedyka Pastnova nakiravali na prymusovaje lačeńnie
Zvolnieny viciebski lekar zapisaŭ videazvarot da hubiernatara
Pamiatajecie pretendenta ŭ prezidenty — 2010 Siarhieja Ryžova? Mahčyma, paśla turmy zhinuŭ u Rasii
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ3
Kamientary