Viciebskaha psichijatra-praŭdaruba Pastnova asudzili na try hady «chimii» — za paklop na prakurora
Try hady abmiežavańnia svabody z nakiravańniem u papraŭčuju ŭstanovu adkrytaha typu — taki vyrak byŭ ahučany 20 maja ŭ dačynieńni viciebskaha «doktara-praŭdaruba» Ihara Pastnova. Jaho pryznali vinavatym u paklopie na prakurora horada Viciebska Juryja Ramanoŭskaha. Prysud nie nabyŭ pakul zakonnaj siły, piša Viciebskaja viasna.
Sud Biešankovickaha rajonu pad staršynioŭstvam sudździ Natalli Roščynaj pryznaŭ vinavatym Ihara Pastnova «ŭ raspaŭsiudzie zaviedama iłžyvych vydumak, jakija hańbiać inšuju asobu (paklop), raźmieščanych u hlabalnaj sietcy Internet», i na padstavie č.2 art. 188 KK Respubliki Biełaruś pakaraŭ jaho abmiežavańniem svabody na 3 hady z nakiravańniem u papraŭčuju ŭstanovu adkrytaha typu.
Pavodle vyraku sudu, vypraŭleńnie abvinavačanaha «mahčymaje tolki šlacham uskładańnia abaviazkaŭ, jakija abmiažujuć jahonuju svabodu va ŭmovach ažyćciaŭleńnia za im nahladu».
«Inšyja vidy pakarańniaŭ dla abvinavačanaha nieefektyŭnyja», — havorycca ŭ prysudzie.
Nahadajem, što pasiedžańni vyjaznoha sudu Biešankovickaha rajonu adbyvalisia ŭ Viciebsku i prachodzili ŭ zakrytym režymie.
Ad samaha pačatku abvinavačanymi pa spravie ab paklopie na prakurora Ramanoŭskaha prachodzili dva viciablanina — Ihar Pastnoŭ i Rafael Kiryłaŭ-Šmilcholdchard, ale paźniej ich vytvorčaści raździalili.
Viciebski pravaabaronca Pavał Levinaŭ ličyć prysud Pastnovu niespraviadlivym.
«Liču, što naohuł nie pavinna być kryminalnaj adkaznaści za abrazu albo paklop. Heta prosta nonsens! A kazać pra toje, dakazanaja tut vina Pastnova ci nie, taksama niemahčyma, tamu što, ź niezrazumiełych pryčynaŭ, sudovaje pasiedžańnie prachodziła ŭ zakrytym režymie», — miarkuje Levinaŭ.
«Miž tym, manitorynh pakazaŭ, što asoba, jakuju abrazili i na jakuju ŭźviali paklop, u sudzie praktyčna nie źjaŭlałasia i nijakich pakazańniaŭ u sudzie nie davała. Prysud byŭ zbolšaha abhruntavany na materyjałach dasudovaha śledztva. A kazać pra niejkaje spabornictva bakoŭ u pracesie, kali adnaho boku nie było, a druhi bok sudździa vydaliła da kanca razboru z zali pasiedžańnia, prosta nie vypadaje. Tamu — heta poŭnaja vakchanalija ŭładaŭ, u tym liku sudovaj systemy», — dadaŭ pravaabaronca.
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy19
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary