Jak u apošnija dni z razmacham pakaladavali biełarusy pa ŭsioj krainie VIDEA
Vyhladaje, što kaladavańnie štohod dadaje sabie ački papularnaści. U hetym hodzie, zdajecca, choć adna bryhada z Koz, Miadźviedziaŭ, Lis i Vaŭkoŭ, ale mieła miesca ŭ kožnym horadzie Biełarusi. Sabrali šerah prykładaŭ taho, jak kaladavali biełarusy na stary Novy hod.
Adkazna śviatkavaŭ Kalady biełaruskamoŭny hurt Kas.band. Ź pieśniami i ŭ nacyjanalnych kaściumach udzielniki hrupy prajšlisia pa vulicach svajho rajona, zavitvajučy ŭ roznyja damy, što rabiłasia pryjemnaj niespadziavankaj dla ich žycharoŭ.
«U Ružanach i Pružanach Kalada idzie», — harezna śpiavali kaladoŭščyki z hetaha rehijona. Była ŭ ich kampanii i Kaza, i navat Śviatar, jaki sabraŭ u kamientarach najbolš pazityŭnych reakcyj.
Videa ž kaladoŭščykaŭ pahladzieła bolš za 200 tysiač čałaviek. Mnohija adznačali, što biełarusy svaimi tancami i śpievami vydatna padniali nastroj.
U Minsku kaladoŭščyki adznačalisia kreatyŭnaściu: tak, na hetym videa Zajčycha pakazvaje, jak svaimi rukami stvarała pryhožuju, jarkuju zorku — z kardonu i lampy.
zaŭsiody kažu “my niešta robim” a chto my…. ja tut adna!!
Tyja, chto nie znajšoŭ sabie kampaniju, nie pasavali: tak, chłopčyk u Žłobinie ŭ kaściumie Łasia pajšoŭ pa kvaterach samastojna. Dy nie z pustymi rukami, a z repiertuaram tematyčnych piesień.
Kamientatary ŭ zachapleńni ad hołasu chłopčyka, jakoha, jak vyśvietliłasia, kličuć Bahdan Siemienčukoŭ, i jon prafiesijna zajmajecca vakałam.
«Ja dumała, užo nichto nie chodzić ź pieśniami pa damach, u maim dziacinstvie chadzili, škada, tradycyi sychodziać», — zaŭvažyła adna z kamientatarak. Na što ź joj nie pahadzilisia. I ŭ adkaz dasłali ažno niekalki kaladnych inscenirovak z Kazoj, jakija ładzili ŭ padjezdach Viciebskaj vobłaści i darosłyja, i dzieci.
«Chaj vaša ščodraja chata budzie zaŭsiody bahata!» — pažadali na raźvitańnie kaladoŭščyki, napracavaŭšy na kaŭbasu dla Kozački.
Z najbolšym razmacham ža kaladavali rajonnyja centry kultury. U Białyničach navat sanki byli.
A voś tak kaladavali maleńkija biełarusy i biełaruski ŭ vioscy Viaźzie, što ŭ Asipovickim rajonie.
A takoj zapomnicca Kalada babrujčanam — z dresiravanym Miškam, Kazoj i Konikam.
Čaściej vobrazy biełarusaŭ-kaladoŭščykaŭ byli dosyć tradycyjnymi, ale niekatoryja vyłučylisia. Tak, na Kaladach u Homieli na vulicach horada možna było zaŭvažyć Šreka i Čartoŭku.
Kaladavali i biełarusy zamiežža. Tak, na polskaje Padlašša dla hetaha vypravilisia cełyja hrupy ludziej, adna ź ich uklučała ŭ siabie pradstaŭnikoŭ mužčynskaha choru «Kasary».
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary