Siarhiej Łaŭroŭ pravioŭ pres-kanfierencyju, pryśviečanuju vynikam 2025 hoda, i, u pryvatnaści, zajaviŭ, što krainy NATO rychtujucca da vajny z Rasijaj, piša Bild.
«Meta naniasieńnia Rasii stratehičnaha paražeńnia zastajecca ŭ hałavie i płanach jeŭrapiejskich lidaraŭ», — zajaviŭ kiraŭnik MZS RF.
Akramia taho, Łaŭroŭ adznačyŭ, što «prasłavutaja izalacyja Rasii nie adbyłasia, jak by ni kazali niedabrazyčliŭcy na Zachadzie».
Taksama ministr zamiežnych spraŭ Rasii prakamientavaŭ situacyju vakoł pretenzij prezidenta ZŠA Donalda Trampa na Hrenłandyju. Pavodle słoŭ Łaŭrova, zaraz na suśvietnaj arenie «idzie hulnia: chto macniejšy, toj i maje racyju».
«Hrenłandyja — heta vidavočny prykład, pra jaki ŭvieś čas havorać i vakoł jakoha raźvivajucca takija dyskusii, što, uvohule, było ciažka ŭjavić, što takoje moža adbyvacca raniej, uklučajučy pierśpiektyvy zachavańnia NATO jak adzinaha zachodniaha vajenna-palityčnaha błoka», — dadaŭ jon.
Kamientary