U sieradu zaviaršyŭsia ahulny etap Lihi čempijonaŭ. Jon prachodziŭ druhi hod zapar.
Raniej ciaham troch dziesiacihodździaŭ kłuby raźbivalisia na hrupy pa čatyry kamandy ŭ kožnaj i hulali ŭ dva koły šeść matčaŭ. U płej-of vychodzili pa dźvie kamandy z hrupy.
Ciapier u asnoŭnym raŭndzie hulaje 36 družyn, kožny kłub pravodzić vosiem matčaŭ (čatyry doma, čatyry ŭ haściach), a asnoŭny raŭnd zakančvajecca ŭ studzieni.
Niepasredna ŭ 1/8 finału vyjšli vosiem kłubaŭ, što zaniali ŭ ahulnaj tablicy 1—8‑ie miescy: «Arsienał», «Bavaryja», «Livierpul», «Totenchiem», «Barsiełona», «Čełsi», «Sportynh», «Mančester Sici».
Kamandy, jakija zaniali miescy z 9‑ha pa 24-je, zhulajuć u «nakaŭt-raŭndzie». Tam vyznačacca jašče 8 udzielnikaŭ 1/8 finału.
Na hetaj stadyi kamandy ź miescaŭ 9—16 sustrenucca z kamandami ź miescaŭ 17—24. Pry hetym užo viadomyja prybliznyja pary (9—10 suprać 23—24, 11—12 — suprać 21—22, 13—14 — suprać 19—20, 15—16 — suprać 17—18).
«Reał» (Ispanija) i «Inter» (Italija)— «Bude/Hlimt» (Narviehija) i «Bienfika» (Partuhalija);
«PSŽ» (Francyja) i «Ńjukasł» (Anhlija) — «Manaka» (Francyja) i «Karabach» (Azierbajdžan);
«Juvientus» (Italija) i «Atletyka» (Ispanija) — «Bruhie» (Bielhija) i «Hałatasaraj» (Turcyja);
«Atałanta» (Italija) i «Bajer» (Hiermanija) — «Barusija» (Dortmund, Hiermanija) i «Alimpijakas» (Hrecyja).
Losavańnie projdzie ŭ hetu piatnicu, a matčy adbuducca 17—18 i 24—25 lutaha.
Kazachstanski «Kajrat» ź biełarusami Alaksandram Martynovičam i Valeryjem Hramykam zavieršyŭ asnoŭny raŭnd na apošnim 36‑m miescy, u kamandy adna ničyja i siem parazaŭ.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja za Stolinskaha rajona, jaki paśla vyzvaleńnia z kałonii zabiŭ troch čałaviek
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja za Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary