Navučeniec kaledža katavaŭ svajho niepaŭnaletniaha susieda pa pakoi i zdymaŭ na videa — vyniesieny prysud
Vykarystoŭvajučy kajdanki, izalacyjnuju stužku i pnieŭmatyčnuju zbroju, navučeniec staršaha kursa ździekavaŭsia z 16‑hadovaha padletka, pakul jaho adnakurśnik fiksavaŭ katavańni na kamieru.
Pavodle prakuratury Słuckaha rajona, 18‑hadovy navučeniec prafiesijna-techničnaha kaledža ŭ adzin ź dzion vieraśnia 2025 hoda naŭmysna źbivaŭ 16‑hadovaha padletka, jaki žyŭ ź im u adnym pakoi.
Chłopiec skavaŭ ruki padletka za śpinaj mietaličnymi kajdankami, abmataŭ vakoł hałavy izalacyjnuju stužku, paśla čaho nanios nie mienš za vosiem udaraŭ rukami pa roznych častkach cieła susieda i zrabiŭ pa im dva streły płastykavymi kulami ź pnieŭmatyčnaha pistaleta.
Toje, što adbyvałasia, zdymaŭ na videa adnakurśnik maładziona, potym jon apublikavaŭ heta ŭ siecivie.
Sud Słuckaha rajona pryznačyŭ abvinavačanamu 2 hady i 6 miesiacaŭ «chimii» sa štrafam u pamiery 60 bazavych vieličyń (na sumu 2700 rubloŭ). Sud taksama prysudziŭ vypłacić 2000 rubloŭ u jakaści kampiensacyi maralnaj škody.
Prysud u zakonnuju siłu nie ŭstupiŭ, moža być abskardžany i apratestavany ŭ apielacyjnym paradku.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy31
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary