«Ahlad na miažy, pravierka telefona i kanvoj u kajdankach». Biełaruska raspaviała, jak źjeździła dadomu
Biełaruska ŭpieršyniu za 7 hod pajechała ŭ Biełaruś i trapiła ŭ IČU za łajki ŭ sacsietkach.
Biełaruska, jakaja žyvie ŭ Polščy, raspaviała ŭ sacsietcy Threads, jak źjeździła dadomu, zaŭvažyła BGmedia.
«Siem hadoŭ žyvu ŭ Polščy. Peŭny čas tamu vyrašyła źjeździć dadomu — u Biełaruś. Vynik: ahlad na miažy, dopyt, pravierka telefona i višańka na torcie — kanvoj u kajdankach. Sidžu ja, značyć, u hetych samych kajdankach u «bobiku» (jość niejkaja aficyjnaja nazva hetaj pieravozki, ź jakoj ni čorta nie vidać?). «Nu dobra, — dumaju. — Novy cikavy dośvied», — napisała ŭ poście dziaŭčyna.
Jon nabraŭ bolš za 550 tysiač prahladaŭ i amal 600 kamientaryjaŭ. Pad pastom aŭtarka napisała jašče niekalki paviedamleńniaŭ, u jakich raskryła finał hetaj historyi:
«Dalej — IČU na dvoje sutak (pašancavała jašče, mohuć trymać daŭžej): prykoły ŭ vyhladzie kłapoŭ, žudasnaha choładu, adsutnaści matracaŭ, niemahčymaści spać unačy i narmalna siadzieć udzień… zatoje kampanija vydatnaja!). Za vyklučeńniem bamžychi, «padsielenaj» na druhija sutki. Nu i ŭ vyniku — sud i štraf kala 200$, jaki zdajecca ŭžo błasłavieńniem bahoŭ…».
«Spačatku IČU, potym sud (nu taki sabie, chucieńki, dzie sudździa vačej nie padymaje, a prysud užo hatovy), štraf (artykuł — užo nie pamiataju jaki… 18 kropka niešta tam). Nu i ŭsio ŭ maim vypadku».
«Štraf — za padpiski i łajki. Łajki ŭ maim vypadku — za 2020 hod (masavyja pratesty ŭ Biełarusi na fonie vybaraŭ). Nu a tut łajki ŭ instahramie — roŭna «raspaŭsiudžvańnie ekstremisckich materyjałaŭ».
Taksama dziaŭčyna patłumačyła, čamu vyrašyła padzialicca svajoj historyjaj: «Dy nasamreč nie tak užo i viesieła… Pierad tym jak apublikavać post, dumała sto tysiač razoŭ… a čym heta mnie moža paviarnucca potym? Heta padobna na vybar: «bajacca ci ŭsio ž taki skoknuć», a ŭžo raskryjecca parašut ci nie — sprava vypadku…».
Jak časta biełarusaŭ dapytvajuć pry viartańni dadomu?
Asobnaja tema ŭ kamientaryjach pad postam biełaruski — dopyty na miažy. Niekatoryja nie vierać u ich, bo ich nikoli nie dapytvajuć na miažy:
«U minułym hodzie (2025) ja prylacieła ŭ Biełaruś praz 6 hadoŭ. I nivodnaha pytańnia na miažy ci dzie-niebudź. Nichto navat słova nie spytaŭ pra moj telefon, sacsietki. «Sardečna zaprašajem u Biełaruś» — usio, što ja pačuła».
«Jechaŭ u kastryčniku z Čechii dadomu, 8 hadoŭ tam adpracavaŭ. Vioz mašynu rečaŭ, pieravozčyka najmaŭ. Zapłaciŭ rastamožku asabistych rečaŭ, telefon nichto nie praviaraŭ, hutarki nie hutaryŭ. Zrazumieŭ adno: u pamiežnikaŭ jość niejkaja baza danych, voś jany pa joj i praviarajuć/hutarać z tymi, z kim im cikava…».
«6 hadoŭ u Polščy znachodžusia, 1—2 razy na hod jezdžu dadomu baćkoŭ praviedać. Kožny raz pierad vyjezdam manitoru internet i rychtujusia da niečaha, bo ŭ internecie takoha panapisvajuć. I viedajecie što? Za 6 hadoŭ ni razu nie było ni dopytu, ni praduziataha staŭleńnia da mianie na biełaruskaj miažy».
«Ja źjechała ŭ 21-m. Rehularna jezdžu. Raniej tak — mahli zirnuć najaŭnaść telehrama, apošni hod ci dva ŭvohule ničoha nie praviarajuć, nie pytajucca. Pry ahladzie ŭśmichajucca i žadajuć pryjemnaj darohi. Adziny śmiešny momant byŭ, kali majo padarunkavaje myła pryniali za hašyš, ale heta ŭžo inšaja historyja».
Na hetyja kamientaryi adkazali biełarusy, jakich dapytvali na miažy:
«Jechała ŭ tym hodzie praź litoŭskuju miažu. Doma mianie nie było hod. Jakoje było majo ździŭleńnie, što mianie źniali z aŭtobusa. Na sajtach nikoli ničoha nie pisała, łajki nikudy nie staviła, ale strach, chočaš nie chočaš, prysutničaŭ. Sama atmaśfiera spryjała. Ahlad zaniaŭ maksimum 5 chvilin. Zaprasili ŭ kabiniet, pahutaryli. Dahladzieli telefon (halereja, sacsietki). Spytalisia, čamu numary ŭkrainskija ŭ telefonie — mnie chavać niama čaho. Za 6 hadoŭ pražyvańnia źjaviłasia šmat siabroŭ i znajomych z Ukrainy. Usio skončyłasia dobra».
«Nie kažycie za ŭsich, praviarajuć jašče jak. Vy prosta jeździcie časta, tamu niama pytańniaŭ. Tyja, chto nie zajazdžaje doŭha, — pad padazreńniem. Kožny miesiac pasty čytaju, jak vyvoziać prosta z aeraporta».
«Kali časta jeździš — to nie praviarajuć. Kali daŭno nie byŭ — to ŭsiudy šmanajuć».
«Nu tak. U mianie telefon šmanali, sprabavali padłavić… Paśla analizu infarmacyi ŭ telefonie pačali praviarać, ci nie błytajusia ja ŭ pakazańniach. I paraŭnoŭvali z danymi ŭ svajoj bazie».
«Samaje cikavaje, što šmat kamientaryjaŭ, jakija hetyja pravierki zusim narmalnymi ličać! Jašče i prymušajuć adpracoŭvać paśla instytuta ŭ vioskach, pracavać na pasadach pa 200 € u miesiac, pryznajuć ich to darmajedkami z-za taho, što nie pracujuć — a im usio roŭna».
Ciapier čytajuć
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary
Voś takija, jak aŭtar hetaha dopisu, ŭ 30-ja hady minułaha stahodździa byli ŭpeŭnienyja, što "kali aryštoŭvajuć - značyć, jość za što". Jany i zaraz jość. Takija ž.